KALAPPASSANG 23:19 - KITTA' MATANGKASA'

¹⁹ Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 23:19 ပူးပေါင်းရင်းမြစ်များ

NEHEMIA 10:35

Taung-taungi ikambe langngerang mange ri Balla'Na Batara ri Yerusalem iamintu gandung wassele' uru-urua siagang rappo-rappoang uru ti'noka ri poko' lamung-lamunna ikambe.

NEHEMIA 10:36

Lanaerangi ikambe sikamma ana' toana ikambe mae ri imanga ri Balla'Na Batara ri Yerusalem untu' nipassareang mae ri Allata'ala, situru' paratorang Hukkunga. Lanapassareang tongi ikambe ana' sapi, ana' gimbala', yareka ana' bembena ikambe, ia uru lassuka.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

PANGNGEBARANG 12:10

Tau bajika naparhatikangi olo'-olo' piarana; mingka tau ja'dalaka nasessai.

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

YEREMIA 10:3

Ada' kabiasanna anjo bansa-bansaya tena sikali matu-matunna. Nata'bangi ke'nanga poko'-poko' kayua ri romanga, siagang nasuroi tukang kayua anjamai a'jari patung barhala.

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

YEHEZKIEL 48:13

Buttana tu Lewi la'buna 12,5 kilometere' battu iraya a'lampa kalau', siagang sangkara'na 5 kilometere' battu wara' a'lampa timboro', nampa pammantanganna sitotoroki siagang buttana imanga.

YEHEZKIEL 48:14

Manna silama' takkullei nabalukang ke'nanga anjo buttaya yareka napassambei; bageang kaminang bajika battu ri butta Israel takkulleai nipalette' mae ri tau maraenga, nasaba' anjo buttaya le'ba'mi nisa'lakkang Batara siagang untu' Napatang.

PAMMILANGNGANG 15:21

Sa'genna satunggu-tungguna sikamma roti battu ri gandung uru nikattoa musti nupassareangi salaku passare nisa'la' untu' Batara.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

PAOLE 26:10

Lanri kammana, o, Batara, kupassareangi anrinni bageang uru-uruna wassele' kattoang kugappaya, mae ri Katte.’ Kammaminjo caranu ampassareangi anjo bakuka mae ri Karaeng Allata'alanu. Le'baki anjo, anynyomba mako mae ri Ia siagang

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.