KALAPPASSANG 23:14 - KITTA' MATANGKASA'

¹⁴ “Tunggala' taung musti pintallungko appare' passua'-suarrang untu' ampakalompoA'.

KALAPPASSANG 23:14 ပူးပေါင်းရင်းမြစ်များ

1 KARAENG-KARAENG 9:25

Pintallungi sitaung Salomo assare koro'bang nitunu siagang koro'bang pappasiamakkang irate ri tampa' pakkoro'bangngang le'baka napaenteng untu' Batara. Attunu tommi dupa untu' Batara. Kammaminjo napa'le'ba'na Salomo pambangunanna Balla'Na Batara.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

KALAPPASSANG 23:17

Tunggala' taung, ri wattunna nigaukang passua'-suarrang anjo tallua, sikontu tu bura'nea musti battui anggaukangi ibadana mae ri Nakke, Karaeng Allata'alanu.

KALAPPASSANG 34:17

Teako appareki siagang anynyombai ri rewata-rewata de'dekanga.

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

YEHEZKIEL 46:9

Kabalekanna, punna ri allo-allo lompoa nabattu ra'yaka untu' anggaukangi ibadaya mae ri Batara, battu ri pakke'bu' lompo bageang waraki ke'nanga angngolo antama, nampa punna ammotere' musti pakke'bu' lompo bageang timboroka naolo punna le'ba' ke'nanga anggaukangi ibadaya. Na ia ke'nanga antamaya battu ri pakke'bu' lompo bageang timboroka, punna ammotereki musti pakke'bu' lompo bageang waraka naolo. Tena nipa'biangi taua angngolo ri oloang naoloa wattunna antama; musti ammotereki ke'nanga battu ri oloang ba'leanna.

KAIMANGNGANG 23:16

Ri allo makalimampuloa, iamintu ri le'ba'na Allo Pammari-mariang makatujua, musti angngerangko koro'bang nipatala mae ri Batara.

KAIMANGNGANG 23:4

Iaminne allo-allo lompo Napattantua Batara siagang mustia nipa'la'bang ri wattu le'baka nipattantu.

KAIMANGNGANG 23:5

Allo Lompo Paska ia nipakasuaraka untu' ampakala'biriki Batara, appakkaramulai ri wattu labuna alloa ri tanggala' sampulo angngappa' bulang se're.

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

1 SAMUEL 1:3

Taung-taungi Elkana a'lampa battu ri Rama mange assambayang ri Silo siagang assare koro'bang mae ri Batara Kaminang Koasaya. Ia a'jari imanNa Batara ri Silo, iamintu Hofni siagang Pinehas, ana'na Eli.