KALAPPASSANG 23:1 - KITTA' MATANGKASA'

¹ “Teako appasiaraki kabara' a'balle-balle, siagang teako tulungi tau ja'dalaka assare kasa'biang takontutojeng.

KALAPPASSANG 23:1 ပူးပေါင်းရင်းမြစ်များ

PA'JARIANG 39:17

Ammotere'na bura'nenna, nacaritami linta' mae ri ia, nakana, “Anjo tu Ibrani nueranga mae anrinni, antamaki ri kamarakku untu' ampakasirika'.

2 SAMUEL 16:3

Nampa akkuta'nammo karaenga ri ia angkana, “Kemae Mefiboset cucunna karaennu Saul?” Appialimi Ziba angkana, “Tuli nia'na ri Yerusalem, lanri tappaki angkanaya kamma-kamma anne lanapoterangi tu Israel kakaraenganna toana iamintu Saul mae ri ia.”

2 SAMUEL 19:27

Ba'lalo nipitinai atanta mae ri karaengku. Mingka ikatte rapangki' malaeka'Na Allata'ala. Lanri kammana anjo kigaukammi apa kikanaya baji' ri pa'maitta karaeng.

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 120:3

He patipu, apa laNagaukang Allata'ala mae ri kau? Apa laNahukkungangko?

PAMMUJI 15:3

tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

PAMMUJI 27:12

TeaKi' passareangia' mae ri hawa napasuna balingku, ambakkaia' siagang balle-balle na panggaratta'.

PAMMUJI 35:11

Sa'bi-sa'bi ja'dalaka ambangungi ambalianga', siagang natudua' anggaukangi apa-apa tenaya kuassengi.

KALAPPASSANG 20:16

Teako assarei kasa'biang takontutojeng mae ri parannu tau.

KALAPPASSANG 23:7

Pakabellai tuduhang takontutojenga, siagang teako pa'biangngi nihukkung mate tau tenaya nasala, lanri tena Kupattojengi tau a'gau' ja'dala' kammaya anjo.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

PANGNGEBARANG 12:17

Lanri napauna katojenganga, napaentemmi taua kaadelanga; lanri a'balle-ballena, appabattumi taua apa tenaya naadele'.

PANGNGEBARANG 14:5

Sa'bi lambusuka tuli napaui apa kontutojenga; sa'bi tanipatappaka tuli a'balle-ballei.

PANGNGEBARANG 17:4

Tau ja'dalaka naturuki pikkirang ja'dalaka, paballe-ballea nangai appilangngeri kana-kana pitina.

PANGNGEBARANG 19:28

A'jari sa'bi balle-balle, sangkammai nibawangngang hukkunga; ambalai taua, bajiki kasia'na ri tau ja'dalaka.

PANGNGEBARANG 19:5

Tau a'balle-ballea ri pangadelanga, takkulleai naliliang hukkunganga.

PANGNGEBARANG 19:9

Tau a'balle-ballea ri pangadelang mattantu lanihukkungi siagang nipanraki.

PANGNGEBARANG 21:28

Kasa'bianna paballe-ballea tena nalanipatappa'; mingka kananna tau angngassengai lampa-lampana parkaraya, lanitarimai.

PANGNGEBARANG 24:28

Teako a'jari sa'bi mae ri tau maraenga punna tena siratang alasannu; teako a'balle-ballei ri passala'na anjo taua.

PANGNGEBARANG 25:18

Tuduhang nipare'-pareka akkullei angngerang kamateang, sanrapang pa'dang, palu-palu, yareka ana' pana cidu'.

PANGNGEBARANG 25:23

Anging battu wara' mattantu langngerangi bosi; kamma tomminjo a'bi'nyaraka carita mattantu appaumbai kalarroang.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

KAIMANGNGANG 19:11

Teako a'lukakki, annipui yareka a'balle-ballei.

KAIMANGNGANG 19:16

Teako appa'la'bangngi pitina ri alla'na tu'julu bansanu, sollanna tena nu'jari passabakkang namate parannu tau. INakkemi Batara.

MATIUS 19:18

Akkuta'nammi anjo tau rungkaya angkana, “Apa passuroNa Allata'ala?” Appialimi Isa Nakana, “Teako ammunoi; teako a'gau' salimararri; teako a'lukkaki; teako a'balle-ballei;

LUKAS 19:8

Ri wattunna battumo ri balla'na Zakheus, ammentemmi nampa nakana ri Isa, “O Batara, lakupassidakkangi tawaruanna pa'barang-barangangku mae ri tu kasi-asia; namanna inai punna le'baki kutipu, lakubayaraki ammotere' sa'genna a'lappi appaka!”

LUKAS 3:14

Nia' tommo surudadu akkuta'nang angkana, “Antekamma anne ikambe? Apa musti nigaukang?” Appialimi Yohanes nakana, “Teako paccoki taua, siagang teako garattaki taua lanri ero'na nualle passa doe'na. Kasukkurammi gaji nugappaya!”

YOHANES 7:51

“Manuru' undang-undanga, takkulleai nihukkung se'rea tau punna tenapa nilangngereki kara-karana siagang punna tenapa nale'ba' niparessa panggaukanna.”

ROMA 3:8

Siagang angngapa nanitakkullea angkana, “Umba nakia'gau' ja'dala' sollanna ammumba kabajikanga?” Memang nia'mo siapa are tau anghina-hina', angkanaya inakkemi le'ba' akkana kamma anjo. Tau kammaya ngasemmi anjo siratang Nahukkung Allata'ala.

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

PAOLE 5:20

Teako assarei kasa'biang balle-balle ri passala'na parannu tau.

2 TIMOTIUS 3:3

Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.