KALAPPASSANG 22:9 - KITTA' MATANGKASA'

⁹ Lalang sikamma passisala-salanga ri passala' pa'barang-barangngang, baji' na'rupa sapi, keledai, gimbala', pakeang, yareka apa-apa mamo tappelaka nampa nigappa ammotere', anjo tau mangakua angkana ia pata musti nierangi mange ri tampa' ibadaya. Anjo tau nikanaya sala ri Allata'ala, musti a'bayaraki a'lappi rua mae ri anjo patanna barang.

KALAPPASSANG 22:9 ပူးပေါင်းရင်းမြစ်များ

PA'JARIANG 31:39

Ia matea nikokko' ri olo'-olo' sekke' tale'bakai kuerang mae ri katte, mingka kalengku assambei. Ia nilukkaka ri alloa yareka ri bangngia, tuli kituntuki ri nakke sollanna kusambei.

1 KARAENG-KARAENG 8:31

Punna nia' sitau ditudu nia' kasalanna mae ri tau maraenga, nampa nierang mae ri tampa' pakkorobangngang niaka lalang ri anne balla' pasambayanganga untu' assumpa angkana tena nasala,

2 PATTOTTORANG 19:10

Punna nia' agannu battu ri pa'rasangang maraeng angngerang mae ri kau se'reang kara-kara pammunoang, kara-kara andakkai hukkung yareka kara-kara andakkai undang-undang, parallui nusare kasingarang ke'nanga. Lalang kammana anjo tenamo nasala ke'nanga mae ri Batara, siagang tenamo Nalalarro Batara mae ri kau yareka mae ri ke'nanga. Gaukangi anne apa kuparentakanga, jari tenamo nulasala.

KALAPPASSANG 22:10

Ebara'na nia' tau ammarakai keledai, sapi, gimbala', yareka olo'-olo' piara maraengannaya, nampa anjo baranga paranna tau pata. Nampa mate anjo olo'-oloka, yareka lokoki, yareka nirampasaki ri musu, nampa tena tau akkulle ansa'bi.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

MATIUS 18:15

“Punna sala sari'battannu ri kau, battuko mae ri ia nanupauang kasalanna. Ikau tommo sipa'rua punna nupauangi. Na punna napilangngeriji kanannu, nugappamintu ammotere' anjo sari'battannu.

MATIUS 18:35

Na ri kala'busang caritaNa Isa Nakanamo, “Kammatommi anjo sallang laNagaukanga ManggeKu ri kau ngaseng, punna tena nuero' ampammopporangi sari'battannu siagang ati maci'nonnu.”

PAOLE 25:1

Ebara' angkana nia' rua tu Israel a'lampa mange ri pangadelang untu' angngerang parkara, nampa nia' kalase'renna nikana tena nasala, siagang se'reanga sala.