KALAPPASSANG 22:31 - KITTA' MATANGKASA'

³¹ Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

KALAPPASSANG 22:31 ပူးပေါင်းရင်းမြစ်များ

EZRA 9:2

Tubura'-bura'ne Yahudia a'buntingi siagang baine bansa maraenga, sa'genna umma'Na Batara le'baka Nasa'la', tenamo natangkasa'. Ba'lalo ia kaminang rioloa anggaukangi anjo kammaya, iamintu sikamma tutoa-toana siagang pamarentana Israel.

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

YEHEZKIEL 44:31

Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

KAIMANGNGANG 19:2

ampabattui mae ri bansa Israel anne parentaya angkana, “Paralluko matangkasa', nasaba' iNakke Karaeng Allata'alanu matangkasakKa'.

KAIMANGNGANG 20:25

Lanri kammana anjo musti nuasseng bajiki nubatei angkanaya kereanga olo'-olo' haranga siagang tenaya naharang. Teako angnganrei olo'-olo' harang. Anjo olo'-olo' kammaya le'ba'mi Kupattantu angkanaya harangi, jari punna nukanrei ikau kalennu a'jari ra'masa'.

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

KAIMANGNGANG 7:24

Jannana olo'-olo' mate kale-kalea yareka mate nikokkoka ri olo'-olo' sekke', takkulleai nikanre mingka akkullei nipake untu' kaparalluang maraeng.

LAMPA-LAMPANA 10:14

Appialimi Petrus nakana, “Tena, Batara! Tena le'bakapa' angnganre apa-apa haranga siagang ra'masaka.”

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”