KALAPPASSANG 22:29 - KITTA' MATANGKASA'

²⁹ Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 22:29 ပူးပေါင်းရင်းမြစ်များ

2 KARAENG-KARAENG 4:42

Ri se'reang wattu maraeng, nia' sitau bura'ne battu ri Baal-Salisa. Napangngerangngangi Elisa gandung beru nikatto kammayatompa ruampulo roti nipareka battu ri wassele' bungasaka ri wattu pakkattoang anjo taunga, kammayatompa battu ri gandung beru nikattoa. Nasuro bagemi Elisa anjo rotia mae ri anjo na'bi-na'bia,

2 PATTOTTORANG 31:5

Le'baki nipa'la'bang nipabattu anjo parentaya, massing angngerammi tu Israel mange ri Balla'Na Batara passarena ke'nanga iamintu massing wassele' bungasa' nagappaya ke'nanga, kammayami anggoro', tarigu, minynya' zaitun, je'ne' bani, siagang wassele' lamung-lamung maraengannaya. Angngerang tommi ke'nanga passare bage sampulona battu ri pa'barang-baranganna ke'nanga.

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 34:19

Sikontu ana'-ana' bura'ne bungasaka siagang olo'-olo' laki bungasa' lassuka, iNakke pata,

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

PAMMILANGNGANG 18:13

Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

PAOLE 15:19

Ana' sapi laki siagang ana' gimbala' laki bungasa' lassuka musti nipassareangi mae ri Karaeng Allata'ala. Anjo sapia takkulleai nipake untu' appa'jeko, siagang anjo gimbalaka takkulleai nicukkuru'.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.