KALAPPASSANG 22:28 - KITTA' MATANGKASA'

²⁸ Teako sumpai Allata'ala, siagang teako tunrai pamimpinna bansanu.

KALAPPASSANG 22:28 ပူးပေါင်းရင်းမြစ်များ

2 SAMUEL 16:5

Ri wattunna battu Daud mange ri Bahurim, nia'mo se're tau battu anjoreng ri tampaka, siagang lalang a'reppese'na mange ri rombonganna karaenga, natunrami Daud. Anjo taua niarengi Simei ana'na Gera, battu ri bija pammanakanna Saul.

2 SAMUEL 16:9

Nakanamo Abisai andi'na Yoab ana'na Zeruya mae ri karaenga, “Apa saba'na nakilappassang anjo pangacoa antunraki' karaeng? Kikellaima' ansamballei kallonna!”

2 SAMUEL 19:21

Nalangngere'na anjo kana kammaya nakanamo Abisai ana'na Zeruya, “Siratammi nihukkung mate Simei lanri le'baki natunrai karaeng le'baka Napilei Batara.”

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

PAMMUJI 138:1

Battu ri Daud. O, Batara, erokka' appala' sukkuru' mae ri Katte, lalang sibatu pa'maikku. Ri dallekanna sikontu rewataya kukkelong lagu pammuji mae ri Katte.

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

KALAPPASSANG 21:17

Inai-nai antunrai manggena yareka amma'na musti nihukkung matei.

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KATO'BA 10:20

Teako callai karaenga, manna pole lalang pa'mai'. Teako pakkanai tu kalumanynyanga, manna ri katinroang kalennu. Akkullei nalangngere' jangang-jangang apa nupaua, nampa napabattu mae ri anjo tau natujua.

KAIMANGNGANG 24:15

Le'baki anjo pa'la'bangi pau anne mae ri bansa Israel: Inai-nai antunrai Allata'ala musti natanggongi kodina kale'bakkanna

KAIMANGNGANG 24:16

siagang nihukkung matei. Inai-nai mamo antunrai Batara musti nisambilai siagang batu ri sikontu jama'aka. Anjo hukkunga tappakei untu' tu Israel kammayatompa untu' bansa maraeng ammantang tuliamo ri tangnga-tangngana tu Israel.

LAMPA-LAMPANA 23:3

Jari nakanamo Paulus ri anjo Imang Lompoa, “Mattantu laNatempaka'rang todongko Allata'ala, ikau tu munape' kammaya, assara-saraia sangkamma tu matangkasa'! Ammempoko antureng angngadelia' situru' parentaNa Allata'ala napabattua Musa, padahala' ikaumi kalennu andakkai anjo parentaya lanri nusurona taua antempaka'ranga'!”

LAMPA-LAMPANA 23:5

Mingka appialimi Paulus nakana, “O, takuassengai sari'battang angkanaya imang lompoi padeng anjo taua. Nia' memang tattulisi' lalang ri Kittaka angkana, ‘Teako hinai pamimpinna bansanu.’ ”

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

YUDAS 1:8

Kammatommi anjo tau a'rupa-rupa dudua nanawa-nawa, sa'genna a'gau' dosamo ri batangkalenna tonji ke'nanga. Nacini' rawai kakoasanNa Allata'ala siagang nahinai sikamma apa-apa attallasaka siagang mala'birika ri suruga.

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 24:6

Nakanamo ri ana' buana, “Tapporo Nakatutuia' Batara sollanna tena ku'gau' ja'dala' mae ri karaengku ia le'baka Napile Batara. Manna pole sike'de' takkullei kupa'risi, lanri iami karaeng Napilea Batara!”

1 SAMUEL 26:9

Mingka nakanamo Daud, “Teako apa-apai! Musti Nahukkungi Batara tau a'gau' ja'dalaka mae ri karaeng Napilea.