KALAPPASSANG 22:25 - KITTA' MATANGKASA'

²⁵ Punna appappinrangko doe' mae ri tu kasi-asia ri bansaKu, teako assingaraki sangkamma tau appappibungaya doe'.

KALAPPASSANG 22:25 ပူးပေါင်းရင်းမြစ်များ

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

2 KARAENG-KARAENG 4:7

Nampa a'lampamo pole anjo bainea mange ri Na'bi Elisa na nakanamo Elisa, “Balukangi anjo minynya'-minynyaka nampa kibayara' ngaseng inranta, nampa anjo la'binna lagannaki untu' kaparalluang katallassanta siagang ana'-anatta.”

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

PAMMUJI 15:5

appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.

PANGNGEBARANG 28:8

Inai a'jari kalumanynyang lanri appamanaki doe' siagang angngalle passawallang ta'liwa'-liwa', latu'guruki anjo barang-baranna mae ri tau mangngamaseanga ri tu kasi-asia.

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

YEHEZKIEL 18:17

Tale'bakai a'gau' ja'dala' yareka assare angnginrang nappala' bunga. Mannuruki ri hukkung-hukkungKu siagang nagaukangi parentaKu. Anjo anaka tena nalamate lanri dosa-dosana manggena, passangalinna latuli attallasaki.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

YEHEZKIEL 18:8

Tale'bakai assare angnginrang nampa nasuro bungai. Taerokai anggaukangi kaja'dallanga siagang punna nia' pa'beserang tuli natangngai siagang adele'.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

MATIUS 25:27

Punna kamma, siratanna nuboliki doekku ri kantoro' banga, sollanna punna niakka' ammotere' akkullei kualle ammotere' doekku siagang bungana.

LUKAS 19:23

Punna kamma, apa saba'na natena nupantamaki doekku ri kantoro' banga sollanna akkulle kualle ammotere' anjo doekku siagang bungana punna ammoterekka'?’

PAOLE 15:7

Punna ammantang mako sallang ri pa'rasangang Napassareanga Karaeng Allata'alanu mae ri kau, nampa ri kalase'renna kotanu nia' julu bansanu kakurangang, teako kabajikang kalennu bawang nuparhatikang siagang taerokako ambantui.

PAOLE 24:13

mingka musti nupoterangi mae ri ia tunggala' bangngi sollanna akkulle napake untu' attinro. Jari lappala' tarima kasi anjo taua mae ri kau, siagang lamangngellai Karaeng Allata'alanu mae ri kau.