KALAPPASSANG 22:21 - KITTA' MATANGKASA'

²¹ Teako anjallakkangi yareka teako a'gau' tena naadele' mae ri bansa maraenga; u'rangi angkanaya ikau riolo bansa maraeng tonjako annompang ri Mesir.

KALAPPASSANG 22:21 ပူးပေါင်းရင်းမြစ်များ

AYUB 6:27

Ba'lalo ana' kukanga nupaccampallekangi sarenna, agang baji'nu nujekkongi sollannu kalumanynyang.

PAMMUJI 146:9

Najagai tau battu-battua; Natulungi sikamma jandaya siagang ana' kukanga, mingka napassalasai rancanana tau ja'dalaka.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 23:9

Teako paero'-eroki panggaukannu mae ri bansa maraenga; nuassemmi kasia'na nikanaya a'jari bansa maraeng, saba' riolo ikau a'jari bansa maraeng tongko ri wattunnu ri Mesir.”

YESAYA 1:17

appilajara' mako anggaukangi bajika. Paentengi kaadelanga siagang pa'rapusuki tau anjallakkanga; sarei ha'na ana' kukanga siagang alleangangi parkarana sikamma jandaya.”

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

KAIMANGNGANG 19:33

Teako ampanggaukang kodi mae ri bansa maraeng niaka ammantang ri pa'rasangannu.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

KAIMANGNGANG 25:35

Punna nia' tau julu bansanu ammantanga ri alla'nu tu'guru' kasi-asi siagang takkulleai naongkosi tallasa'na, ikau musti nubantui anjo taua sangkamma tau battu-battua yareka bansa maraeng ammantanga ri alla'nu, sollanna akkulle napatulusu' tallasa'na ri alla'nu.

ZAKHARIA 7:10

Teako jallakkangi sikamma jandaya, ana'-ana' kukanga, bansa maraeng battua ammantang ri tangnga-tangnganu, yareka inai-nai mamo niaka lalang kasusaang. Siagang tea tongko appareki rancana ja'dala' mae ri parannu tau.’

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAOLE 1:16

Anjo wattua kusarei ke'nanga tugasa' kamma anne: Parhatikangi passisala-salang niaka ammumba ri tangnga-tangngana bansanu. Sarei ke'nanga kaputusang adele', baji ri kara-kara niaka ri tau julu bansanu kammayatompa niaka ri bansa maraeng ammantanga ri alla'nu.

PAOLE 10:18

Naalleangangi ha'na ana'-ana' kukanga siagang jandaya, sollanna akkulle nakasia' ke'nanga kaadelanga; Nakamaseangi tubattu-battua niaka sipattallassang siagang bansata na Nasare ke'nanga kanre siagang pakeang.

PAOLE 10:19

Jari ikau musti nupappicinikang tongi pangngamaseannu mae ri anjo bansa maraeng battu-battua, nasaba' ikau riolo a'jari tubattu-battu tonjako ri Mesir.

PAOLE 15:15

U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 23:16

Akkullei ammantang ri kalase'renna kotanu napilea, siagang tena nukkulle anggaukang panggaukang sekke' mae ri ia.

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

PAOLE 24:17

Teako rampasaki ha'na bansa maraenga siagang ana'-ana' kukanga, siagang teako allei pakeanna jandaya untu' a'jari boro' lanri pangnginrangnganna.

PAOLE 27:19

‘Nitunrai tau anrampasakai ha'na tubattu-battua, ana' kukanga, siagang jandaya.’ ‘Aming!’