KALAPPASSANG 22:2 - KITTA' MATANGKASA'

^2-4 Musti nasambei anjo barang nalukkaka. Punna tena apa-apanna, ia kalenna lanibalukang a'jari ata untu' ansambei anjo barang le'baka nalukka'. Punna sapi anjo barang nalukkaka, yareka keledai, yareka gimbala', nampa nipanggappai anjo taua nattallasa' ija anjo baranga, musti nasambei tassikayua olo'-olo' siagang ruang kayu olo'-olo'. Punna ri wattu bangngina nanijakkala' sitaua palukka' lalang balla', nampa nibuno anjo palukkaka, anjo tau ambunoai tena nasala. Mingka punna allo nakajariang anjo passalaka, anjo tau ambunoai salai.

KALAPPASSANG 22:2 ပူးပေါင်းရင်းမြစ်များ

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

AYUB 24:16

Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

AYUB 30:5

Nibongkai ke'nanga siagang pangga'gara' sanrapang tau angngondanga palukka'.

YEREMIA 2:34

Ra'masaki pakeannu napakamma cera'na tu kasi-asia siagang tau tenaya salana, teai cera'na palukka' nijakkalaka. Mingka manna nakamma

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

YO"EL 2:9

A'bakkai ke'nanga antama ri kotaya, nampa lari rate ri tembo'na. Angngambiki ke'nanga antama' ri sikamma ballaka; rapang palukka', antamaki ke'nanga battu ri jandelaya.

MATIUS 24:43

U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

1 PETRUS 4:15

Tea' laloko niakki angkasiaki sessaya lanri ammunonu, yareka lanri a'lukka', yareka lanri a'gau' ja'dala', yareka lanri napantama'-tamakkinna urusanna tau maraenga.