KALAPPASSANG 22:18 - KITTA' MATANGKASA'

¹⁸ Sikontu baine pabale'-bale' mataya musti nibunoi.

KALAPPASSANG 22:18 ပူးပေါင်းရင်းမြစ်များ

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YEREMIA 27:10

Natipuko ke'nanga sa'gennu nierang a'lampa bella battu ri pa'rasangannu. LaKubongkako battu ri pa'rasangannu siagang lapanrakko.

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

KAIMANGNGANG 18:23

Baji' tu bura'nea kammayatompa tubainea tena sikali nakkulle assikatinroang siagang olo'-oloka; panggaukang ja'dala' kammaya nara'massiko.

KAIMANGNGANG 19:26

Teako angnganrei cera'. Teako ammakei pangngassengang baca-baca.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

KAIMANGNGANG 20:27

Inai-nai tu bura'ne yareka tubaine appare' passisambungang siagang roh-rohna tau matea, musti nisambilai batu sa'genna mate. Anjo taua matei lanri salana tonji.”

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

LAMPA-LAMPANA 19:19

Na sikamma tau biasaya ammake baca-baca, massing napa'rappungammi sura' jima'-jima'na ke'nanga nampa natunu ri dallekanna tau jaia. Punna nipasse're ballinna anjo sura'-sura' nitunua, nia' kira-kira limampulo sa'bu doe' pera' jaina.

GALATIA 5:20

kammayatompa ri panggaukang anynyombaya ri barhala, baca-baca pangngissenganga; assimusu-musua, passiba'jianga, akkimburua, pa'larroanga, kaparalluang kalennaji bawang naboyai, appasisala-salaya tau, siagang a'golongang-golonganga;

PAOLE 27:21

‘Nitunrai tau a'gau' bawanga siagang olo'-oloka.’ ‘Aming!’

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.

1 SAMUEL 28:9

Appialimi anjo bainea angkana, “Tantu kiasseng tongi angkanaya anjo Karaeng Saul le'ba'mi nabongka sikontu pacinika siagang pakkio' nyawa tu matea, battu ri Israel. Angngapa nakicoba ero' ancilakaia' sa'gengku akkulle nibuno?”