KALAPPASSANG 22:17 - KITTA' MATANGKASA'

¹⁷ Mingka punna tena nikellai anjo bura'nea ri manggena anjo bainea a'bunting siagang ana'na, anjo bura'nea musti a'bayaraki mae ri manggena anjo bainea doe' pa'buntingang; ia jaina sinjai biasaya nipanai' punna nipala' se'rea tau lolo.

KALAPPASSANG 22:17 ပူးပေါင်းရင်းမြစ်များ

PA'JARIANG 23:16

Situjumi Abraham ri anjo anggarang ballinna. Narekemmi doe' pera'na sangkamma jaina anjo napaua Efron, iamintu patambilangngang doe' pera', situru' timbangang ia biasaya napake padangganga. Nampa nabayara'mo mae ri Efron, nisa'bi ri sikamma tu Het niaka hadere'.

PA'JARIANG 30:20

Nakanamo, “Nasarema' Allata'ala hadia sannaka ga'gana. Kamma-kamma anne lanabilang lompoma' bura'nengku, lanri allassukanga' annang ana' bura'ne.” Lanri kammana naaremmi anjo anaka Zebulon.

PA'JARIANG 34:12

Kipau mami hadia apa kikaeroki, siagang kitantukammi siapa bulaeng sunranna. Lakusareki' apa kipalaka, assala' kikellaija' a'bunting siagang anjo tuloloa.”

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

PAOLE 18:10

Teako passareangngi ana'-ana'nu a'jari koro'bang nitunu. Teako manna sitau battu ri kau a'jari paboto, a'boyaya pammatei-pammatei, ammakea jampi-jampi yareka

PAOLE 22:29

Punna kamma anjo passalaka, anjo tu bura'nea musti a'bayaraki mae ri manggena anjo bainea iamintu sangkamma jaina doe' panai', iamintu limampulo doe' pera', nampa musti nabaineangi anjo tuloloa lanri le'ba'namo napassa assikatinroang siagang ia. Lalang tallasa'na takkulleai natalla' anjo bainea.

1 SAMUEL 18:25

Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)

1 SAMUEL 28:3

Matemi Samuel siagang nikarrukimi ri sikontu Israel, nampa nitarawang ri Rama, kota kalenna. Siapa are wattu allaloa, nabongkami Saul battu ri Israel sikontu pacinika siagang sanro pakkio' nyawa tu matea.