KALAPPASSANG 22:14 - KITTA' MATANGKASA'

¹⁴ Punna nia' tau angnginrang sikayu olo'-olo' nampa loko' yareka mate anjo olo'-oloka ri wattunna tena patanna ri anjo tampa' kajarianga, anjo tau angnginranga musti a'bayaraki sambe karugiang.

KALAPPASSANG 22:14 ပူးပေါင်းရင်းမြစ်များ

NEHEMIA 5:4

Siagang nia'mo pole angkana, “Le'baki ikambe angnginrang doe' untu' nipa'bayarrang ri sima napattantua karaenga untu' kokonna siagang koko anggoro'na ikambe.

PAMMUJI 37:21

Tu ja'dalaka angnginrangi na tanapoterangnga, mingka tau bajika lammoro' pa'maiki assare.

KALAPPASSANG 21:34

anjo patanna bungung musti a'bayaraki karugiang mae ri patanna anjo olo'-oloka, mingka akkullei naalle anjo olo'-olo' mateamo untu' kalenna.

KALAPPASSANG 22:11

Punna kamma anjo passalaka, musti a'lampai anjo taua mange ri tampa' ibadaya nampa assumpa lanri arenNa Batara angkanaya teai ia allukkaki anjo olo'-olo' nipappirannuanga mae ri ia. Punna teai tojeng ia allukkaki, anjo patanna musti antanggongi anjo karugianga, nampa anjo tau ammarakaia tena naparallu a'bayara' sambe karugiang.

KALAPPASSANG 22:13

Punna nialle ri olo'-olo' sekke' anjo olo'-olo' piaraya anjo tau ammarakaia musti napappicinikangi sesa buku-bukunna untu' a'jari butti mae ri patanna; tena naparallu a'bayara' sambe karugiang untu' anjo olo'-oloka.

KALAPPASSANG 22:15

Mingka punna nia' patanna ri anjo tampaka nakajariang anjo passalaka, anjo tau angnginranga tena naparallu a'bayara' sambe karugiang. Punna anjo olo'-oloka nisewai, sewanami antongkoki karugianna.”

KAIMANGNGANG 24:18

Inai-nai ambunoi olo'-olo'na paranna tau, musti nasambei anjo olo'-oloka. Dasara'na anne hukkunga iamintu ‘nyawa nisambei nyawa’.

MATIUS 5:42

Punna nia' tau appala' apa-apa ri kau, sare laloi. Siagang teako pattenangi tau eroka angnginrang apa-apa ri kau punna nia'ja ri kau.”

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

PAOLE 15:2

Kammaminne carana. Sikamma tu Israel niaka doe' pappinranna mae ri tau julu bansana, musti nabilang lappasa'mi anjo pappinranna, lanri situru' katantuang KalenNa Batara anjo inranga nibilang lappasa'mi, jari takkulleami nisingara'.