KALAPPASSANG 22:12 - KITTA' MATANGKASA'

¹² Punna tau maraeng allukkaki anjo olo'-oloka, anjo tau ammarakaia musti a'bayaraki sambe karugiang mae ri patanna.

KALAPPASSANG 22:12 ပူးပေါင်းရင်းမြစ်များ

PA'JARIANG 31:39

Ia matea nikokko' ri olo'-olo' sekke' tale'bakai kuerang mae ri katte, mingka kalengku assambei. Ia nilukkaka ri alloa yareka ri bangngia, tuli kituntuki ri nakke sollanna kusambei.

KALAPPASSANG 22:11

Punna kamma anjo passalaka, musti a'lampai anjo taua mange ri tampa' ibadaya nampa assumpa lanri arenNa Batara angkanaya teai ia allukkaki anjo olo'-olo' nipappirannuanga mae ri ia. Punna teai tojeng ia allukkaki, anjo patanna musti antanggongi anjo karugianga, nampa anjo tau ammarakaia tena naparallu a'bayara' sambe karugiang.

KALAPPASSANG 22:13

Punna nialle ri olo'-olo' sekke' anjo olo'-olo' piaraya anjo tau ammarakaia musti napappicinikangi sesa buku-bukunna untu' a'jari butti mae ri patanna; tena naparallu a'bayara' sambe karugiang untu' anjo olo'-oloka.

KALAPPASSANG 22:7

Ebara'na nia' tau assituju ammoli' apa-apa, kammayami a'rupa doe' yareka barang niaka anggaranna. Mingka ri bokoangallo nilukkaki anjo barang nibolika ri balla'na. Punna nigappa palukkaka, musti nabayaraki anjo baranga a'lappi rua.