KALAPPASSANG 21:2 - KITTA' MATANGKASA'

² Punna ammalliko sitau ata nabansanu tonji, musti napanjamangko annang taung sallona. Ri makatujuna taung, musti nilappassangi anjo taua siagang tena naparallu a'bayara' apa-apa.

KALAPPASSANG 21:2 ပူးပေါင်းရင်းမြစ်များ

PA'JARIANG 27:28

Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi!

PA'JARIANG 27:36

Nakanamo Esau, “Iaminne makapinruangku naballe-ballei. Siratangi niareng Yakub. Naallemi ha' ana' bungasakku, nampa kamma-kamma anne naalle tommi barakka' lamangea ri nakke. Apaka tenamo barakkatta maraeng Bapa'?”

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

KALAPPASSANG 12:44

Mingka ata nuballia akkullei amminawang angnganre, punna le'ba'mi nisunna'.

KALAPPASSANG 21:3

Ebara' angkana tenapa na'bunting ri wattunna a'jari ata mae ri kau, anjo bainenna takkulleai amminawang punna assuluki. Mingka ebara' angkana a'bunting memammi ri wattunna a'jari ata mae ri kau, anjo bainenna akkullei amminawang siagang ia.

KALAPPASSANG 21:7

Punna sitau baine tu Ibrani nibalukang ri manggena na'jari ata, anjo bainea takkulleai nilappassang punna narapi' annang taung. Jari tena nasangkamma siagang bura'nea.

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

PAOLE 15:1

“Ri kala'busanna tunggala' taung makatujua musti nugaukangi nikanaya kalappassang pappinrang.

PAOLE 15:18

Punna nia' ata ero' nupakabebasa', teako lussakki pa'mai'nu, nasaba' annang taummi le'ba' anjama ri kau siagang gaji bageruanna gajina se'rea palayang. Gaukangi anjo parentaya, na Nabarakkaki Karaeng Allata'ala sikontu usahanu.

PAOLE 31:10

Naparentakangi mae ri ke'nanga angkana, “Ri kala'busanna tunggala' taung makatujua, lalang taung nipa'jari lappasa'na sikamma inranga ri allo Lompo Pa'ballakkang Leko'-leko' Kayua,