KALAPPASSANG 21:13 - KITTA' MATANGKASA'

¹³ Mingka punna tena nakunjungi natunrung siagang tena pattujunna lammuno, akkullei lari mange ri se'reang tampa' eroka Kupicinikiangko sallang, siagang anjoremmi lanila'langngi.

KALAPPASSANG 21:13 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

YESAYA 10:7

Mingka karaeng Asyur nia' rancana kalenna. Eroki ampakei katerassanga siagang napaccappu' jaia bansa.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

PAMMILANGNGANG 35:6

Musti nupassareangi mae ri tu Lewi annang kota untu' a'jari palarianna tau ammunoa mingka tena nakunjungi. Pantaranganna anjo musti nisare tongi tu Lewi patampulo anrua kota maraengannaya,

PAOLE 19:14

“Punna battu mako mange ri pa'rasangang Napassareanga Karaeng Allata'alanu mae ri kau, teako paletteki garisi'-garisi' pa'baeng-baenna buttana siampi' balla'nu le'baka nipattantu riolo.”

YOSUA 20:1

Nampa Nasuro Batara anjo Yosua

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.