KALAPPASSANG 21:1 - KITTA' MATANGKASA'

¹ Nampa Nakanamo Batara mae ri Musa, “Passareangi anne sikammaya paratoranga mae ri tu Israel:

KALAPPASSANG 21:1 ပူးပေါင်းရင်းမြစ်များ

1 KARAENG-KARAENG 6:12

“Punna nuturuki sikontu hukkungKu siagang parentaKu, laKupa'rupai mae ri kau apa le'baka Kupa'janjiang mae ri Daud manggenu.

2 PATTOTTORANG 19:10

Punna nia' agannu battu ri pa'rasangang maraeng angngerang mae ri kau se'reang kara-kara pammunoang, kara-kara andakkai hukkung yareka kara-kara andakkai undang-undang, parallui nusare kasingarang ke'nanga. Lalang kammana anjo tenamo nasala ke'nanga mae ri Batara, siagang tenamo Nalalarro Batara mae ri kau yareka mae ri ke'nanga. Gaukangi anne apa kuparentakanga, jari tenamo nulasala.

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

KALAPPASSANG 19:7

Jari naummi Musa battu ri anjo buluka nampa nakio' ngaseng sikamma pamimpinga sollanna a'rappungang. Nampa nacaritamo mae ri ke'nanga sikontu apa Naparentakanga Batara mae ri ia.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

YEHEZKIEL 20:25

Nampa Kupassareang mae ri ke'nanga hukkung-hukkung tenaya nabaji' siagang parenta-parenta tenaya nakkulle assare katallassang.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

KAIMANGNGANG 19:37

Turuki sikontu hukkungKu siagang parentaKu. INakke Batara.”

KAIMANGNGANG 20:22

Nakana Batara, “Turuki sikontu hukkungKu siagang parentaKu, sollanna tena nanibongkako battu ri pa'rasangang Kanaan, iamintu pa'rasangang Kutujua angngerangko anne kamma.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAMMILANGNGANG 35:24

Punna kammai anjo parkaraya, musti asse'rei ummaka nampa naadeli anjo tau ammunoa siagang bijanna anjo tau matea eroka a'balasa'.

PAMMILANGNGANG 36:13

Iaminjo paratorang-paratorang siagang katantuang-katantuang Napassareanga Batara mae ri bansa Israel tete ri Musa, wattunna nia' bansa Israel ri lappara' Moab ri biring Binanga Yordan, ri ampi'na kota Yerikho.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAOLE 15:12

“Punna nia' tu bura'ne yareka baine battu ri bansanu ambalukangi kalenna untu' a'jari atannu, musti anjamai ri kau lalang annang taung sallona. Ri taung makatujua, musti nupakabebasaki anjo taua.

PAOLE 4:14

Nasuroa' Batara ampangngajarrangi mae ri kau sikontu hukkung mustia nuturuki ri pa'rasangang nupantamakkia siagang nupammantangngia sallang.”

PAOLE 4:45

Anjo kammaya nagaukangi ri assulu'namo ke'nanga battu ri butta Mesir siagang ri nia'na ke'nanga ri ka'bung rayanganna Binanga Yordan, assidallekang siagang kota Bet-Peor. Anjo daeraya le'ba' daerana Sihon, karaenna tu Amori, le'baka ammarenta riolo ri kota Hesybon. Nibetai ri Musa siagang bansa Israel ri wattunna assulu' ke'nanga battu ri butta Mesir.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 5:31

Mingka ikau Musa, ammoterekko siagang ammantangko anrinni siagang iNakke; laKupassareangi mae ri kau sikontu hukkungKu siagang parentaKu. Pangngajarrangi mae ri ke'nanga, sollanna naturuki ke'nanga ri pa'rasangang Kupassareanga mae ri ke'nanga.’

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

PAOLE 6:20

Ri allo ri boko lakkuta'nangi ana'-ana'nu mae ri kau angkana, ‘Angngapai Karaeng Allata'alata naNasuroki' anturuki sikontu anjo parentaya?’

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!