KALAPPASSANG 20:7 - KITTA' MATANGKASA'

⁷ Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

KALAPPASSANG 20:7 ပူးပေါင်းရင်းမြစ်များ

PA'JARIANG 27:20

Nakanamo Ishak, “Linta' sikaliko anggappa na'.” Appialimi Ishak angkana, “Lanri nitulunga' ri Karaeng Allata'ala kisombaya.”

1 KARAENG-KARAENG 2:9

Mingka iaminne pasangku ri kau: teako lappassangi ta'lappasa' battu ri hukkunganga. Kuassengi angkanaya ikau baji' pa'maikko. Jari, manna pole natoamo, usahakangi na nihukkung mate.”

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

PAMMUJI 139:20

Nacarita ja'dalakKi' ke'nanga, siagang assumpa nipare'-pareki ke'nanga lanri kota-kotaTa.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

YEREMIA 34:16

Sikamma pagawe pamarentahanna Yehuda siagang Yerusalem kammayatompa sikamma pagawe balla' karaenga, imang-imanga siagang sikontu pajaga tampa'nu le'ba'mi nuassai anjo parjanjianga lanri ammolong sapi, iamintu nupolong ruai, nampa a'jappako ri alla'na anjo ruang bageang polonganga. Mingka, ribokoanganna amminrai pikkirannu siagang nupakatunA'. Anjo sikamma ata le'baka nulappassang situru' nakaerokia ke'nanga, nuallei ammotere' siagang nupassai ammotere' a'jari atannu. Lanri kammana anjo, iNakke, Batara, Kukana angkanaya nudakkaimi parentaKu, siagang tena nuturuki sara'-sara'na, lanri tenana nanupakabesaki julu bansanu Israel. Jari, kamma-kamma anne, baji'mi naiNakke assareko kabebasang: kabebasang untu' mate lalang pa'bundukang yareka lanri garring, yareka lanri kacipurang. LaKugaukangi mae ri kau sangkamma nugaukanga mae ri sapi nupolonga anjo. LaKupa'jari sannaki malla'na sikontu bansaya ri lino anciniki apa Kugaukanga mae ri kau.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

KAIMANGNGANG 19:12

Teako a'janji lanri arengKu punna tena nuttojeng-tojeng ero' anrupai anjo janjia, nasaba' lanri kammana anjo nuhinami arengKu. INakke Karaeng Allata'alanu.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 5:11

Teako sambarang nupau arengKu, nasaba' iNakke, Karaeng Allata'alanu, anghukkungi manna pole inai punna napake sala arengKu.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

YOSUA 2:12

Kuminasai kiero' assumpa lanri arenNa angkanaya lakigau' bajiki kaluargaku sangkamma apa le'baka kugaukang mae ri katte. A'janji maki' angkanaya tena nalakibuno anrong manggeku, sikamma sari'battangku siagang sikamma kaluargana ke'nanga, passangalinna lakila'langngi. Siagang sarema' se're pammatei ri ma'nassana angkanaya akkulle ngasengki' nipatappa'!”

YOSUA 2:17

Nakanamo anjo turuaya mata-mata mae ri Rahab, “Baji'mi; tena tanarupaina janjinna ikambe situru' pappala'nu mae ri kambe.

YOSUA 9:20

Takkulleaki' ambunoi ke'nanga nasaba' le'ba' maki' a'janji; napunna tena nanirupai anjo janjia, lanihukkungki' ri Allata'ala.