KALAPPASSANG 20:5 - KITTA' MATANGKASA'

⁵ Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 20:5 ပူးပေါင်းရင်းမြစ်များ

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

2 KARAENG-KARAENG 17:35

Le'ba'mi appare' parjanjiang Batara siagang umma' Israel kamma anne: “Teako anynyombai mae ri rewata-rewata maraenga; teako su'juki anynyomba ri ke'nanga yareka nulayani ke'nanga, yareka assare koro'bang mae ri ke'nanga.

2 KARAENG-KARAENG 17:41

Jari anynyombai ke'nanga ri Batara, mingka anynyomba tongi mae ri barhala-barhalana ke'nanga. Manna sa'genna anne alloa tuli nagaukanna jari-jarina ke'nanga anjo gau' kammaya.

2 KARAENG-KARAENG 23:26

Mingka panggaukanna Karaeng Manasye ampanaiki larroNa Batara mae ri tu Yehuda; nampa anjo larroNa tenapa nanaung.

2 KARAENG-KARAENG 5:18

Punna sallang musti kururungang karaengku mange assambayang ri tampa' passambayangang Rimon rewatana Siria, poro Napammopporang laloa' Batara.”

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

2 PATTOTTORANG 25:14

Le'baki nabeta tantara Edom, ammotere'mi Amazia angngerang patung-patung barhalana tu Edom nampa naboli' ri Yehuda. Nampa attunu dupa untu' anjo patung-patunga siagang anynyomba ri anjo patung-patunga.

2 PATTOTTORANG 7:19

Mingka punna ikau siagang ra'ya'nu nudakkai hukkung-hukkungKu siagang parenta-parentakKu, kammayatompa anynyombako mae ri rewata-rewata maraenga,

AYUB 21:19

Nukana ngaseng, ‘Nihukkungi anaka ri Allata'ala lanri dosana manggena.’ Mingka inakke kukana: Tau dorakaya, iatommi nihukkung ri Allata'ala, sollanna sadara' ke'nanga angkana lanri dosana ke'nanga, Nappabattu hukkungang Allata'ala.

AYUB 5:4

Jari tale'bakami ana'-ana'na anggappa pangngatutui; taniakka ero' angngallei ke'nanga ri pangadelang.

PAMMUJI 109:14

Boli'mi kamma tuli Nau'rangi Batara kaja'dallanna boe-boena, siagang tena nikaluppai dosana amma'na.

PAMMUJI 78:58

Napa'ngarai ke'nanga Allata'ala ri tampa' panynyombang barhalaya, napassereati Allata'ala siagang patung-patunna ke'nanga.

PAMMUJI 79:8

TeaKi' hukkungi ikambe lanri dosana boe-boena ikambe. Linta' maKi' kamaseangi ikambe, lanri tappu' minasami ikambe.

PAMMUJI 81:15

lalintakKa' ampatunduki musunna ke'nanga, naKubeta sikontu balinna ke'nanga.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

KALAPPASSANG 34:14

Tea' laloko anynyombai rewata maraeng, nasaba' iNakke Batara, iamintu Allata'ala tenaya naero' nipasangkamma siagang apa-apa mamo.

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

YESAYA 44:15

Anjo poko' kayua nia' napa'jari kayu tunuang untu' a'binrung siagang attunu roti yareka allangga dageng, nampa sukku'mo baji'na nasa'ring. A'binrungi na nakana, “Edede, nyamanna siagang kammu'na! Teai sipato' appakanyamanna anne pepeka!” La'binna anjo kayua napareki patung. Su'juki ri ia nappala' doang nakana, “Ikaumi allata'alaku, pasalamaka'!”

YESAYA 44:19

Tanarapikai napikkiri' anjo papare' patunga angkanaya, “Anjo kayua kutunui sipa'gang, siagang cumi'na kupakei untu' attunu roti siagang allangga dageng untu' kukanre. Nampa sesanna anjo kayua kupa'jari patung. Jari kamma-kamma anne anynyomba' sipolong kayu!”

YEREMIA 2:9

Nakana Batara, “Kamma-kamma anne Kukara-karai pole ummakKu, naKuadeli jari-jarina.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

YEHEZKIEL 18:19

Mingka nia' kapang tau akkuta'nang angkana angngapa anjo anaka natena natanggongi dosa-dosana manggena. Pialinna iamintu, lanri anjo anaka bajiki siagang lambusuki. Ia mannuruki ri hukkung-hukkungKu siagang majarreki anggaukangi, jari tuli lattallasaki.

YEHEZKIEL 18:2

“Angngapai anne paruntu' kanaya natuli nipau ri pa'rasangang Israel? ‘Tau toaya angnganre rappo anggoro' kacci kasia'na, mingka ana'-ana'na tilu nasa'ring giginna.’

YEHEZKIEL 20:7

Kusuroi ke'nanga ampelaki patung-patung appakaringika siagang nangaia anjo, siagang Kupisangkai ke'nanga anra'massi kalenna lanri anynyombana ri barhala-barhala battua ri Mesir, nasaba' iNakkemi Batara ke'nanga.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

DANIEL 3:18

Mingka manna pole ebara' angkana tena Nagaukangi, parallui kiasseng angkanaya ikambe tena nalanynyomba mae ri rewatana karaengku, siagang tena todong nalanynyomba mae ri anjo patung bulaeng kipaentenga karaeng.”

KAIMANGNGANG 20:5

KalengKu langhukkungi anjo taua siagang sikontu kaluargana kammayatompa sikontu tau naaganga ambokoiA' nampa anynyomba ri Rewata Molokh. Tenamo nalaKubilangi ke'nanga anggota ummakKu.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

KAIMANGNGANG 26:29

Lanaalleko cipuru', sa'genna nukanre ana' kalennu.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

PAMMILANGNGANG 14:33

Patampulo taungi ana'-ana'nu la'jappa ri parang lompoa. Lanri tena namajarre' pa'mai'nu, lasessai ana'-ana'nu, sa'genna matemo tau kala'busanga ri kau.

PAMMILANGNGANG 25:11

“Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.

MATIUS 4:9

Nampa nakana billisika ri Ia, “Yangasenna anjo lakupassareang ngasengi mae ri Kau punna su'jukKo anynyomba mae ri nakke.”

YOHANES 15:18

“Punna nakabirisiko linoa, u'rangimi angkanaya iNakkemi la'bi riolo nakabirisi anne linoa.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YOHANES 9:2

Akkuta'nammi ana'-ana' gurunNa Isa angkana, “Angngapa nabuta nilassukang anne taua Pa' Guru? Apa lanri dosa kalenna yareka lanri dosana anrong-manggena?”

ROMA 1:30

nangai nabotto'-bottoki arenna paranna tau; sanna' ngaseng tampona siagang kurangajara'na ke'nanga; nakabirisi Allata'ala siagang nangai pitikana-kanai ke'nanga. Cara'deki ke'nanga a'boya cara-cara untu' anggaukangi kaja'dallanga. Naewai siagang nabali-bali ke'nanga tau toana;

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

PAOLE 5:10

Mingka Kupappicinikangi pangngamaseangKu mae ri assa'bu-sa'bua jari-jari ri tau mangngamaseanga ri Nakke siagang mannurukia ri parentaKu.

PAOLE 5:9

Teako anynyombai patung kammaya anjo, lanri iNakke Karaeng Allata'alanu siagang taeroKa' nipasangkamma manna apa-apa mamo maraenganga. Inai-nai angkabirisiA' laKuhukkungi sa'genna mae ri jari-jarina lapisi' matallua siagang makaappaka.

PAOLE 6:15

Punna anynyombako mae ri rewata-rewata maraenga, lanitujuko ri pangngalarroiNa Karaeng Allata'alanu siagang lanipanrakiko taba sikali, lanri anjo Karaeng Allata'alanu niaka ri tangnga-tangnganu taerokai nipasangkamma siagang apa-apa maraenganga.

PAOLE 7:10

Mingka tena todong Nabata-bata anghukkungi tau birisika ri Ia.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

YOSUA 23:7

Lanri kammana anjo tenamo nulasileo' siagang bansa-bansa niaka ija ammantang ri alla'nu. Tena nalanutappu arenna rewata-rewatana ke'nanga yareka assumpa lalang arenna anjo arenga. Kammayatompa tena todong nalanugaukang ibadaya yareka anynyomba mae ri anjo rewata-rewataya.

YOSUA 24:19

Nampa nakana Yosua, “Mingka tena kapang nanukullei anynyomba mae ri Batara, nasaba' anjo Allata'ala matangkasaki, Tenaya Ruanna. Taerokai punna nia' nipa'rembangi. Punna nubokoi Batara nampa anynyombako ri rewata-rewataya, tena nalaNapammopporang dosanu. Kabalekanna, laNabaliangko siagang laNahukkungko. LaNaancuru' ngasengko manna pole riolo bajiki mae ri kau.”

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.