KALAPPASSANG 20:26 - KITTA' MATANGKASA'

²⁶ Teako ambangungi tampa' pakkoro'bangngang tinggi sa'genna musti ammake pako tuka' punna nupanaiki, sollanna tena nakacinikang apa tenaya nakkulle nicini' ri kalennu.”

KALAPPASSANG 20:26 ပူးပေါင်းရင်းမြစ်များ

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

KALAPPASSANG 28:42

Nampa papparekangi ke'nanga saluara' bodo battu ri kaeng lenang; la'buna battu ri aya' sa'genna bongga untu' antongkoki bageang kalenna tenaya nasiratang nicini'.

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

YEHEZKIEL 43:17

Bageang tangngana appa' tongi pasagi modele'na, tunggala' sa'rinna 7 metere' ukkuranna, siagang se're biring bageang pantara'na tinggina siparapa' metere'. (Sangkara'na kaloro'na sitangnga metere'.) Ri sa'ri bageang irayana nia' tuka' a'lampa mangea ri coppo'na tampa' pakkoro'bangnganga.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

1 PETRUS 1:16

Nia' tattulisi' lalang ri Kittaka angkanaya, “Paralluko matangkasa', nasaba' iNakke tangkasaka'.”