KALAPPASSANG 20:18 - KITTA' MATANGKASA'

¹⁸ Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 20:18 ပူးပေါင်းရင်းမြစ်များ

PA'JARIANG 15:17

Ri wattunna bangngimo, ti'ring nia'mo ammumba pappalluang a'rumbu siagang sulo a'rinra, nampa numalo ri alla'na anjo dageng-dageng le'baka nipue.

PA'JARIANG 3:10

Appialimi anjo bura'nea angkana, “KulangngerekKi' nia' ri kokoa. Mallaka' nakuaccokko lanri assolarakka'.”

PAMMUJI 81:7

“Le'ba'mi Kualle erangnganga ri salanggannu, naKulappassang karanjeng pisangngang niaka ri limannu.

YEREMIA 23:23

INakke Allata'ala niakKa' ri kere-keremae, tena nanjoreng ri se'reang tampa' bawang.

PAOLE 18:16

Ri wattunnu asse're ri Moncong Sinai, nupalaki sollanna tenamo nanulangngereki Karaeng Allata'alanu a'bicara mae ri kau, siagang tenamo nanuciniki pole kahaderanNa lalang ri pepe' a'rinra-rinraya, lanri mallakko mate.

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

PAOLE 5:23

“Ri wattunna a'rinra kabusu' monconga na nia' sa'ra nulangngere' battu lalang ri sassanga, battu ngasengi sikontu pamimping sukunu siagang tau toa-toanu mae ri nakke.

PAOLE 5:25

Mingka angngapa namusti nasaung ija nyawana ikambe? Anjo pepe' sannaka heba'na lanaancuruki ikambe! Tappaki ikambe angkanaya tena tamatena ikambe punna nalangngereki ikambe a'bicara pole Karaeng Allata'ala.

PAOLE 5:27

Lanri kammana anjo, a'lampa mako Musa, pilangngeri sikontu apa Napaua Karaeng Allata'alata, nampa pabattui sallang mae ri kambe anjo apa Napaua mae ri kau. Lanapilangngeri ikambe siagang mannuruki ikambe.’

PAOLE 5:5

Mingka lanri mallakko ri pepeka siagang tena nubarani angngambi' ri monconga, jari anjo wattua ammentenga' ri alla'nu siagang Batara untu' ampabattui kananNa Batara mae ri kau ngaseng.