KALAPPASSANG 20:11 - KITTA' MATANGKASA'

¹¹ Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

KALAPPASSANG 20:11 ပူးပေါင်းရင်းမြစ်များ

PA'JARIANG 1:28

Nampa Nabarakkaki ke'nanga angkana, “Ammana'-mana' mako siagang accucu-cucu mako nu'jari jai, sollanna napammantangngi sossorannu sikontu buttaya siagang nanakoasai. Kusareko tugasa' untu' amparakai sikamma juku'-jukuka, jangang-janganga, siagang sikontu olo'-olo' maraenganga ia liaraka.

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

KALAPPASSANG 31:17

Anjo alloa iami a'jari pappiu'rangi tamattappu' ri bansa Israel siagang iNakke, lanri iNakke, Batara, le'ba' ampa'jari langika siagang buttaya lalang annang allo sallona, na ri makatujuna alloa ammariMa' anjama nampa ammari-mari.”

KALAPPASSANG 8:22

Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

KALAPPASSANG 9:29

Nakanamo Musa ri karaenga, “Tasalloai battuku assulu' ri pantaranna kotaya, lakuangkaki limangku untu' appala' doang ri Batara. Anjo gunturuka siagang anjo bosi eska lammari siagang la'jari sannangi, sollanna kiasseng karaeng, angkanaya anne buttaya Batara pata.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

YESAYA 48:13

LimangKu ampadongkoki dasara'na buttaya siagang ampaka'rangi passimbanga. Punna Kukioki arenna, lintaki battu ke'nanga.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

LAMPA-LAMPANA 20:7

Ri wattunna bangngi daminggu a'rappungang maki' ero' sipangnganreang ampakajarreki passari'battanganta. A'bicara memammi Paulus siagang sikamma tau hadereka, nasaba' ammukona ero'mi a'lampa. Sa'genna tangnga bangngi a'bicara iji Paulus.

LAMPA-LAMPANA 4:24

Nalangngere'namo agang-aganna anjo apa nacaritaya ke'nanga, ma'julu atimi ke'nanga naassama-sama appala' doang mae ri Allata'ala. Nakana ke'nanga, “O Batara, iKattemi ampa'jari langika siagang linoa, kammayatompa tamparanga na sikontu bonena.

PAOLE 5:15

U'rangi angkana ikau riolo nipare' atako ri Mesir, nampa nilappassangko ri Karaeng Allata'alanu lalang kakoasang malompoNa. Lanri kammana minjo naKuparentakangko untu' ampakalompoi Allo Pammari-marianga.

IBRANI 4:4

Nasaba' ri passala'na allo makatujua, nia' tattulisi' lalang ri Kittaka angkanaya, “Ri makatujuna alloa ammari-marimi Allata'ala battu ri sikontu jama-jamanNa.”

PAPPICINI' 10:6

Assumpai lalang arenNa Allata'ala mattallasaka satunggu-tungguna, ampa'niakai langika, buttaya, tamparanga siagang sikontu apa-apa niaka lalanganna. Nakana anjo malaekaka, “Tenamo nalanipamono' pole wattunna!