KALAPPASSANG 2:6 - KITTA' MATANGKASA'

⁶ Ri wattunna nasungke ana' bainena karaenga anjo karanjenga, nacini'mi anjo ana' lolo niaka lalang, sitabang angngarru'. Tu'guru'mi pangngamaseanna anjo ana' bainena karaenga na nakana, “Anne ana' tu Ibrani.”

KALAPPASSANG 2:6 ပူးပေါင်းရင်းမြစ်များ

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

PAMMUJI 106:46

Napa'jarimi ke'nanga nikamaseang ri sikontu bansa antahangai ke'nanga.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 2:5

Lalang kammana anjo nia'mi battu ana' bainena karaenga. Naungi ri binangaya ero' a'je'ne', nampa dayang-dayanna a'jappa-jappai ri biring binangaya. Ti'ring nacaini'mi anjo ana' bainena karaenga anjo karanjenga ri tangnga-tangngana rukuka; nasuromi kalase'renna atanna bainea mange angngallei anjo karanjenga.

KALAPPASSANG 2:7

Battumi daenna anjo ana' loloa akkuta'nang ri ana' bainena karaenga angkana, “Erokki' nakupa'boyangki' sitau amma' tu Ibrani untu' ampasusui antu ana' loloa karaeng?”

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

YEREMIA 34:9

sikamma ata-ata tu Ibrani niaka ri ke'nanga, baji' nabura'ne kammayatompa bainea sollanna tenamo manna sitau battu ri bansa Israel ampare' atai julu bansana.

LAMPA-LAMPANA 7:21

ri wattunna nipela' naung ri je'neka, nirappummi ri ana' tulolona Firaun, nampa naparakai sangkamma ana' kalenna.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.