KALAPPASSANG 2:25 - KITTA' MATANGKASA'

²⁵ Nacini'mi tu Israel nipa'jari ata, jari Natappukimi untu' laNatulung ke'nanga.

KALAPPASSANG 2:25 ပူးပေါင်းရင်းမြစ်များ

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

PAMMUJI 31:8

Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

PAMMUJI 55:22

Kana-kananna baji' sikali manynyonyo', mingka atinna lalang sangnging kabirisang. Bicaranna lamma sikali, mingka anno'doki sanrapang pa'dang taranga.

KALAPPASSANG 1:8

Nampa nia'mo sitau karaeng beru appakkaramula ammarenta ri Mesir. Anne karaeng berua tanaassengai Yusuf.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.

KALAPPASSANG 3:9

Kulangngere'mi karru'na bansa Israel, siagang Kucini' tommi antekamma batena nijallakkang ri bansa Mesir.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

LUKAS 1:25

Nakanamo Elisabet, “Kale'bakkanna Natulumma' Batara siagang Natongkokamma' sirikku.”

LAMPA-LAMPANA 7:34

Kucini'mi siagang Kuparhatikammi antekamma pa'risi'na katallassanna ummakKu ri Mesir. Kulangngere'mi kunrarenna ke'nanga, naKunaummo ero' allappassangi ke'nanga. Kamma-kamma anne, mae mako! LaKusuroko ammotere' mange ri Mesir.’

PAOLE 26:7

Nampa akkio'mo ikambe appala' tulung mae ri Katte, Batara, Allata'alana boe-boena ikambe. Kipilangngeri pakkio'na ikambe siagang Kiparhatikammi kasessanna ikambe.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”