KALAPPASSANG 2:24 - KITTA' MATANGKASA'

²⁴ Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

KALAPPASSANG 2:24 ပူးပေါင်းရင်းမြစ်များ

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 18:18

Sai turunganna la'jari bansa lompoi siagang lakoasai? Sai lanri ia nalaKubarakkaki sikontu bansaya ri lino?

PA'JARIANG 22:16

“Nakana Batara: AssumpA' lanri areng KalengKu, lanri nugaukanna anne kammaya siagang tena nanutollaki untu' ampassareangi anjo ana' sitau-taunu mae ri Nakke,

PA'JARIANG 26:2

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 35:12

Pa'rasangang le'baka Kupassareang mae ri Abraham siagang Ishak, laKupassareangi mae ri turungannu.”

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

PAMMUJI 102:2

O, Batara, Kipilangngeri laloi pappala' doangku, boli'mi kamma nata'rapi' pakkiokku mae ri Katte.

PAMMUJI 102:20

Acciniki Batara battu rate ri tampa' tinggina, battu ri suruga attoa' naung ri lino

PAMMUJI 105:42

Saba' Nau'rangi Batara janjinNa mae ri Abraham, atanNa.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

PAMMUJI 22:24

Iami puji, he, sikamma tau mappilangngeria! Iami pakalompo, ikau sikontu turunganna Yakub! Su'jukko ri Ia, ikau sikontu turunganna Israel!

PAMMUJI 22:5

Boe-boena ikambe manrannuangi ri Katte, manrannuangi ke'nanga, nakipasalama' ke'nanga.

PAMMUJI 79:11

Kipilangngeri laloi kunrarenna sikamma tau nitahanga; poro sikamma tau nipattantua lamate nitallassi lanri koasaTa.

KALAPPASSANG 6:5

Jari pa'la'bammi pabattu mange ri bansa Israel angkanaya Kukana ri ke'nanga: iNakke Batara; laKulappassangko battu bansa Mesir, ampare' atayako. LaKupappicinikangi kakoasangKu malompoa untu' ampasalamakko siagang Kuhukkung battala' bansa Mesir.

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

LAMPA-LAMPANA 7:34

Kucini'mi siagang Kuparhatikammi antekamma pa'risi'na katallassanna ummakKu ri Mesir. Kulangngere'mi kunrarenna ke'nanga, naKunaummo ero' allappassangi ke'nanga. Kamma-kamma anne, mae mako! LaKusuroko ammotere' mange ri Mesir.’

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”