KALAPPASSANG 2:23 - KITTA' MATANGKASA'

²³ Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 2:23 ပူးပေါင်းရင်းမြစ်များ

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

NEHEMIA 9:9

Kiciniki pa'risi'na boena ikambe ri wattu allaloa; Kipilangngeri karru'na ri Mesir siagang ri Tamparang Teberau.

AYUB 35:9

Tau nijallakkanga, akkunrareng; ammarrangi ke'nanga appala' tulung.

PAMMUJI 102:1

Pappala' doang tau ballasa', sanna' mangnganna nakkunrareng ri Batara.

PAMMUJI 102:2

O, Batara, Kipilangngeri laloi pappala' doangku, boli'mi kamma nata'rapi' pakkiokku mae ri Katte.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

KALAPPASSANG 4:19

Ri wattunna nia' ija Musa ri butta Midian, Nakana Batara ri ia, “Ammoterekko mange ri Mesir. Sikontu tau eroka ambunoko mate kabusu'mi.”

KALAPPASSANG 6:5

Jari pa'la'bammi pabattu mange ri bansa Israel angkanaya Kukana ri ke'nanga: iNakke Batara; laKulappassangko battu bansa Mesir, ampare' atayako. LaKupappicinikangi kakoasangKu malompoa untu' ampasalamakko siagang Kuhukkung battala' bansa Mesir.

KALAPPASSANG 6:9

Nampa Nakanamo Batara mae ri Musa,

KALAPPASSANG 7:7

Anjo wattua 80 taung umuru'na Musa na Harun 83 taung umuru'na, na'lampa ke'nanga mange andallekang ri Karaeng Mesir.

YESAYA 19:20

Anjo tampa' pakkoro'bangnganga siagang anjo bentenga a'jari pannanrai ri kahaderanNa Batara Kaminang Makoasaya ri Mesir. Punna nijallakkang anjo bansaya, nampa akkio' ke'nanga appala' tulung mae ri Batara, nia'mo sitau lanisuro battu untu' ampasalamaki ke'nanga.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

LAMPA-LAMPANA 7:30

Patampulo taung ribokoanganna, nia'mo sitau malaeka' battu mae ri Musa, ri wattunna nia' ri parang kassika, ri ampi'na Bulu' Sinai. Battui anjo malaekaka lalang ri pepe' rompo' a'rinraya.

PAOLE 24:15

Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”