KALAPPASSANG 2:22 - KITTA' MATANGKASA'

²² Ammana'mi Zipora sitau ana' bura'ne. Naaremmi Gerson anjo anaka, lanri napikkiriki Musa angkanaya, “Inakke anne tubattu-battua' mae anrinni.”

KALAPPASSANG 2:22 ပူးပေါင်းရင်းမြစ်များ

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

1 PATTOTTORANG 16:20

A'lampai ke'nanga battu se'rea bansa mae ri bansa maraeng a'lette' battu ri se'reang pa'rasangang mae ri pa'rasangang maraengannaya.

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

KALAPPASSANG 2:10

Ri wattunna lompo-lompomo anjo anaka, nipassareammi ri amma'na mae ri ana' bainena karaenga. Nampa nipa'jarimo anjo anaka ana' angka'na ana' bainena karaenga. Nakanamo anjo ana' bainena karaenga, “Kusarei areng anne anaka Musa, lanri kuallei battu ri je'neka.”

KALAPPASSANG 22:21

Teako anjallakkangi yareka teako a'gau' tena naadele' mae ri bansa maraenga; u'rangi angkanaya ikau riolo bansa maraeng tonjako annompang ri Mesir.

KALAPPASSANG 4:20

Jari nakio' tommi Musa bainenna siagang sikamma ana'-ana'na, nampa napanai' ri keledaia nampa a'lampa ke'nanga mange ri Mesir. Lanri parentaNa Batara, naerang tongi Musa anjo takkanna.

KAIMANGNGANG 25:23

Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.

LAMPA-LAMPANA 7:29

Nalangngere'na Musa kananna anjo taua, larimi Musa battu ri Mesir, nampa mange ri pa'rasangang Midian. Anjoremmi anggappa rua ana'.

HAKING-HAKING 18:30

Anjo patung barhala naeranga ke'nanga, napaentengi anjoreng ri kotaya, nampa naangka' Yonatan, ana'na Gersom, cucunna Musa, a'jari imang mae ri ke'nanga. Iaminne jari-jarina Gersom tuli a'jari imang ri suku Dan sa'genna narapi' jammang nieranna nipela' umma' Israel mange ri pa'rasangang maraeng.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”