KALAPPASSANG 2:20 - KITTA' MATANGKASA'

²⁰ Akkuta'nammi Yitro ri ana'-ana'na angkana, “Kemaemi anjo taua kamma-kamma anne? Angngapa nanubokoi anjo taua? Mangeko angkioki nakiangnganre siagang.”

KALAPPASSANG 2:20 ပူးပေါင်းရင်းမြစ်များ

PA'JARIANG 18:5

Lakupappatalangki' sike'de' kanre, sollanta anggappa kagassingang untu' ampatulusuki pa'jappanta. Kipakalompoma' lanri erotta assengka ri balla'na anne atanta.” Appialimi ke'nanga angkana, “Tarima kasi ri anjo kabajikang pa'mai'nu. Lassengkai ikambe.”

PA'JARIANG 29:13

Nalangngere'na Laban anjo kabara'na Yakub kamanakanna, larimi ero' mange ambuntuli. Naraka'mi Laban anjo Yakub siagang nabaumi nampa naerang antama' ri balla'. Le'ba'na nacarita ngaseng Yakub sikamma passalaka ri batangkalenna mae ri Laban,

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

PA'JARIANG 43:25

Le'baki anjo napasadiami ke'nanga hadia naeranga ke'nanga untu' napassareang mae ri Yusuf punna nia' battu ri wattu tangngana alloa. Nasaba' le'ba'mi nipauang ke'nanga angkana lasipangnganreangi ke'nanga siagang Yusuf.

AYUB 31:32

Tassungkei ballakku mae ri tau kabangngianga; tale'bakai kulappassang ke'nanga a'bangngi ri aganga.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

KALAPPASSANG 2:19

Appialimi ke'nanga angkana, “Nia' sitau tu Mesir antulungi ikambe ri wattunna niganggu ikambe ri pakalawaki maraenganga. Ba'lalo ia ampanynye'rokangi ikambe je'ne', nampa nasare je'ne' inung olo'-olo' piarata.”

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.