KALAPPASSANG 2:19 - KITTA' MATANGKASA'

¹⁹ Appialimi ke'nanga angkana, “Nia' sitau tu Mesir antulungi ikambe ri wattunna niganggu ikambe ri pakalawaki maraenganga. Ba'lalo ia ampanynye'rokangi ikambe je'ne', nampa nasare je'ne' inung olo'-olo' piarata.”

KALAPPASSANG 2:19 ပူးပေါင်းရင်းမြစ်များ

PA'JARIANG 29:10

Nacini'na Yakub anjo Rahel siagang bembena na gimbala'na, a'lampami Yakub mange ri anjo bungunga, nampa nagulung anjo batu pannongkoka mae ri sa'ri, na nasare je'ne' inung anjo pa'rappungang olo'-oloka.

PA'JARIANG 50:11

Ri wattunna nacini' panduduka ri Kanaan anjo acara kasusaanga ri Goren-Haatad, nakanamo ke'nanga, “Teai sipato' appakapaccena pa'mai' anjo acara kasusaanna tu Mesirka!” Iaminjo saba'na naniaremmo anjo tampaka Abel-Mizraim.

KALAPPASSANG 2:18

Wattunna ammotere' ke'nanga, akkuta'nammi manggena ke'nanga angkana, “Angngapa nulinta' kamma ngaseng ammotere' anne alloa?”

KALAPPASSANG 2:20

Akkuta'nammi Yitro ri ana'-ana'na angkana, “Kemaemi anjo taua kamma-kamma anne? Angngapa nanubokoi anjo taua? Mangeko angkioki nakiangnganre siagang.”