KALAPPASSANG 2:14 - KITTA' MATANGKASA'

¹⁴ Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

KALAPPASSANG 2:14 ပူးပေါင်းရင်းမြစ်များ

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

PA'JARIANG 19:9

Mingka nakanamo anjo tu Sodom ri Lot, “A'lampako! Angngapa naikau tubattu-battu kammaya antu ero' langngatoroki ikambe? A'lampako! Punna tena, ikau laniajara' la'bi battallangngang naanjo tau ruaya.” Nampa nasorongammo ke'nanga Lot, nampa maju ke'nanga ero' anrumbangi pakke'bu' balla'na.

PA'JARIANG 34:27

Le'baki nagaukang anjo pammunoanga ke'nanga, battu tommi ana'na Yakub maraenganga anrampasaki barang-baranna taua ri anjo kotaya, a'jari pa'balasa' lanri le'ba'na nigau' sala andi'na ke'nanga.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

LUKAS 12:14

Appialimi Isa Nakana, “E, sari'battang, inai angngangkaKa' a'jari haking, lambage-bageangko warisi'nu sipa'rua?”

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

LAMPA-LAMPANA 7:35

Iaminne Musa, tenaya niakui ri bansa Israel, siagang nisorongbokoa angkana, ‘Inai le'ba' angngangkakko a'jari pamimping siagang a'jari haking mae ri kambe?’ Mingka sitojenna, iami nisuro ri Allata'ala a'jari pamimping siagang appasalamaka, lanri bantuanna anjo malaeka' battua mae ri ia lalang ri anjo rompo' a'rinraya.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.