KALAPPASSANG 19:24 - KITTA' MATANGKASA'

²⁴ Appialimi Batara angkana, “Naung mako, nampa ammoterekko mae anrinni siagang Harun. Mingka sikamma imanga siagang ra'yaka takkulleai nalaloi anjo pa'baeng-baenga untu' battu mae ri Nakke. Punna nalaloi ke'nanga, laKuhukkungi ke'nanga.”

KALAPPASSANG 19:24 ပူးပေါင်းရင်းမြစ်များ

1 PATTOTTORANG 13:9

Ri wattunna anrapi' ke'nanga ri tampa' panggilingang gandunna tu Kidon, tatto'romi anjo sapi-sapi angngerangai anjo pattia. Jari nata'gala'mi Uza anjo Patti Parjanjianga sollanna tena natu'guru'.

KALAPPASSANG 19:12

Apparekko pammatei ri tammulilina anne monconga a'jari pa'baeng-baeng tenaya nakkulle nalaloi anjo bansaya. Pisangkai anjo bansaya angngambi' ri monconga, ba'lalo takkulleai ke'nanga a'reppese'. Inai-nai allaloi pa'baeng-baenna, lanihukkung matei;

KALAPPASSANG 19:25

Nampa naummi Musa mange ri anjo bansaya. Napabattuammi ke'nanga anjo pasanNa Batara.

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

LUKAS 13:24

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

LUKAS 16:16

Sikamma atorang battua ri Musa siagang pangngajaranna na'bi-na'bia tuli nipakei sa'genna battu Yohanes Paje'ne'. Pakkaramula anjo wattua tuli nibirittakammi Kabara' Baji' ri passala' antekamma bateNa ammarenta Allata'ala. Siagang napassami kalenna taua a'boya oloang ero' antama' a'jari umma'Na Allata'ala.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

GALATIA 3:19

Jari punna kamma, untu' apa padeng nanipassareang anjo hukkung agamaya? Pialinna iamintu angkanaya, anjo hukkunga nipappitambangi sollanna nipa'nassa gau' dosana rupataua. Wattu tappakena anjo hukkung agamaya sa'gennaji kabattuanna sitau sossoranna Abraham le'baka nipau lalang ri janjinNa Allata'ala mae ri Abraham. Anjo hukkung agamaya, malaeka'-malaeka' ampabattui tete ri rupataua.

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.

IBRANI 12:29

Nasaba' anjo Allata'alata sanrapangi pepe' appakamutunga.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.