KALAPPASSANG 18:4 - KITTA' MATANGKASA'

⁴ ana' makaruaya niarengi Eliezer, lanri nakanana Musa, “Allata'ala nipakalompoa ri boe-boeku le'ba' antulunga' siagang ampasalamaka' sa'gengku tanibunoa ri karaeng Mesir.”

KALAPPASSANG 18:4 ပူးပေါင်းရင်းမြစ်များ

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

1 PATTOTTORANG 23:15

Musa nia' rua ana'na bura'ne, iamintu: Gersom siagang Eliezer.

1 PATTOTTORANG 23:17

Eliezer nia' sitau bawang ana'na bura'ne, iamintu niarenga Rehabya. Mingka Rehabya jai sikali ana'na.

PAMMUJI 18:1

Untu' pamimping pakelong. Kelong Pammujina Daud, atanNa Batara. Nakelongangi ri Batara ri wattunna nilappassang Daud battu ri Saul siagang battu ri musu-musunna.

PAMMUJI 18:48

Nasarea' pammetang mae ri musungku; Napadundui bansa-bansaya ri dallekangku,

PAMMUJI 34:4

Malompoi Batara niaka anrurunganga', umba kissama-sama ampakala'biriki arenNa.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

KALAPPASSANG 10:28

Nakana karaenga ri Musa, “Bellako ri dallekangku! Teama' anciniki tanja'nu! Punna kuciniki pole tanja'nu, tena tamatenu!”

KALAPPASSANG 2:15

Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

KALAPPASSANG 2:22

Ammana'mi Zipora sitau ana' bura'ne. Naaremmi Gerson anjo anaka, lanri napikkiriki Musa angkanaya, “Inakke anne tubattu-battua' mae anrinni.”

KALAPPASSANG 4:20

Jari nakio' tommi Musa bainenna siagang sikamma ana'-ana'na, nampa napanai' ri keledaia nampa a'lampa ke'nanga mange ri Mesir. Lanri parentaNa Batara, naerang tongi Musa anjo takkanna.

DANIEL 6:22

Nampa kalangngerammo sa'ranna Daniel appiali angkana, “La'bui umuru'na karaengku satunggu-tungguna!

LAMPA-LAMPANA 12:11

Le'baki anjo nampami naasseng Petrus anjo apa le'baka kajariang ri kalenna. Nakanamo ri kalenna, “Kamma-kamma anne kuassemmi angkanaya ma'nassa Nasuromi malaeka'Na Batara battu allappassanga' battu ri kakoasanna Herodes siagang battu ri sikontu apa eroka nagaukang bansa Yahudi mae ri nakke.”

LAMPA-LAMPANA 7:29

Nalangngere'na Musa kananna anjo taua, larimi Musa battu ri Mesir, nampa mange ri pa'rasangang Midian. Anjoremmi anggappa rua ana'.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”