KALAPPASSANG 17:5 - KITTA' MATANGKASA'

⁵ Nakanamo Batara ri Musa, “Kioki siapa are pamimpinga siagang a'jappa mako siagang ke'nanga, a'jappa riolo ri dallekanna anjo bansaya. Erang tongi takkannu le'baka nupake untu' antunrungi Binanga Nil.

KALAPPASSANG 17:5 ပူးပေါင်းရင်းမြစ်များ

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

KALAPPASSANG 14:16

Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 3:18

Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.