KALAPPASSANG 17:3 - KITTA' MATANGKASA'

³ Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KALAPPASSANG 17:3 ပူးပေါင်းရင်းမြစ်များ

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

PAMMUJI 107:5

Naallei cipuru' siagang turere ke'nanga na tappela' ngaseng sikontu pa'minasana.

KALAPPASSANG 12:38

Jai sikali sapi naerang ke'nanga, kammayatompa gimbalaka siagang bembea. Jai todong bansa maraeng amminawang.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 20:4

Angngapa nanuerangi ikambe mae anrinni ri parang lompoa? Sollanna namate ikambe siagang olo'-olo' piarana ikambe anrinni?