KALAPPASSANG 17:14 - KITTA' MATANGKASA'

¹⁴ Nakanamo Batara ri Musa, “Tulisiki anne passala' pammetanga sollanna tuli niu'rangi. Paui mae ri Yosua angkanaya iNakke ampanraki anjo tu Amalek.”

KALAPPASSANG 17:14 ပူးပေါင်းရင်းမြစ်များ

2 SAMUEL 1:1

Ri wattunna matemo Saul, ammotere'mi Daud battu ri pa'bundukanga ambetai tu Amalek, nampa ammantang ri Ziklag ruangallo.

1 PATTOTTORANG 4:42

Nia' 500 anggota battu ri suku Simeon a'lette' anrai' ri Edom, nipimpinga ri ana'-ana'na Yisei, iamintu Pelaca, Nearya, Refaya, siagang Uziel.

1 PATTOTTORANG 4:43

Nabunoi ke'nanga sikamma tu Amalek niaka tassesa, nampa appakkaramula anjo wattua ammantang tulimi ke'nanga anjoreng.

EZRA 9:14

Jari, antekamma lakkulle ija ikambe lambalang parekang iji sikamma anjo parentaTa, siagang la'buntinga pole siagang sikamma anjo tu ja'dalaka? Punna nagaukang ija ikambe anjo sikammaya, mattantu lateai sipato' larroTa, sa'genna Kiancuru' taba sikalimo ikambe siagang talaniakkamo manna sitau laKilappassang attallasa'.

AYUB 18:17

Taniassengami, ri lalang yareka ri pantarang kota; tenamo manna sitau angngu'rangi arenna.

AYUB 19:23

Oh, nicataki paleng kana-kanangku, sa'genna tuli laniu'rangi;

PAMMUJI 9:6

IKatte le'ba' anghukkungi bansa-bansaya siagang Kiposso' sikamma tu ja'dalaka; nikaluppaimi ke'nanga sa'genna satunggu-tungguna.

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 17:13

Kale'bakkanna nibetami tu Amalek ri Yosua.

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

KALAPPASSANG 32:33

Appialimi Batara angkana, “Tau dorakayaji bawang mae ri Nakke laKulu'lu' arenna battu ri anjo kittaka.

KALAPPASSANG 34:27

Nakana pole Batara ri Musa, “Tulisi' ngasengi sikamma anjo kana-kanaya, lanri iaminjo kana-kanaya a'jari dasara' naKuappare' parjanjiang siagang ikau kammayatompa siagang bansa Israel.”

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

YEREMIA 30:2

Nakana ri nakke, “Tulisiki lalang ri se'rea kitta' sikontu apa le'baka Kupau mae ri kau.

YEREMIA 36:2

“Angngalleko se're kitta' nigulung, siagang tulisiki lalang sikontu apa le'baka Kupau ri kau ri passala'na Israel siagang Yehuda, kammayatompa ri passala'na sikontu bansaya. Tulisiki sikontu kana-kanangKu appakkaramula ri uru-uru a'bicaraKu ri kau ri wattu pamarentahanna Karaeng Yosia sa'genna anne alloa.

PAMMILANGNGANG 24:20

Nampa nacini' tommi Bileam tu Amalek lalang paccini'na. Jari napabattumi anne boto kammaya, “Battu ri sikontu bansaya ri lino, tu Amalek kaminang makoasa. Mingka kale'bakkanna anjo bansaya, lalanynya' tongi sa'genna satunggu-tungguna.”

PAMMILANGNGANG 33:2

Naparentakangi Batara mae ri Musa sollanna nacataki arenna anjo massing tampa' napassengkaia.

PAOLE 31:9

Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.

YOSUA 4:7

parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”

1 SAMUEL 15:18

Nampa pole Nasuro maki' Batara angngancuruki anjo tu Amalek ja'dalaka. Nasuroki' a'bundu' angngewai ke'nanga sa'genna la'busu' ngaseng ke'nanga.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

1 SAMUEL 30:17

Ammukona, ri wattu ammumbana alloa, nibundukimi ke'nanga ri Daud, na sa'genna bangngi ke'nanga a'bundu'. Pantaranganna patambilangnganga tau rungka laria a'dongko' unta, tena manna sitau anjo musua akkulle ta'lappasa'.