KALAPPASSANG 17:1 - KITTA' MATANGKASA'

¹ Nampa a'lampamo bansa Israel ambokoi parang lompo Sin, nampa a'lette'-lette' battu ri se'reang tampa' mange ri tampa' maraenga situru' Naparentakanga Batara. Ri se'reang wattu akkemami ke'nanga ri Rafidim, mingka tena je'ne' inung anjoreng.

KALAPPASSANG 17:1 ပူးပေါင်းရင်းမြစ်များ

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

KALAPPASSANG 16:1

Nampa a'lampa anjo sikontu umma' Israel battu ri Elim. Na ri tanggala' sampulona allima bulang makarua le'ba'namo nabokoi ke'nanga Mesir, battumi ke'nanga mange ri parang lompo niarenga Sin, niaka ri alla'na Elim siagang Moncong Sinai.

KALAPPASSANG 17:8

Nampa battumo tu Amalek ambunduki tu Israel ri Rafidim.

PAMMILANGNGANG 20:2

Ri se'reang wattu tenamo je'ne' ri tampa' pakkemaanna ke'nanga. Jari battumi sikamma anjo taua allipungi Musa siagang Harun,

PAMMILANGNGANG 9:17

Sampang naiki anjo rammanga, nabongkara'mi tu Israel pakkemaanna, nampa a'lampa. Nampa kemae-kemae naung anjo rammanga, anjoremmi ri tampaka akkema poleang ke'nanga.

PAMMILANGNGANG 9:23

Ammantangi ke'nanga ri se'reang tampa' siagang a'lampai ke'nanga ri se'reang tampa' maraeng situru' ngasengi parentaNa Batara iamintu Napassareanga Batara tete ri Musa.