KALAPPASSANG 16:6 - KITTA' MATANGKASA'

⁶ Jari nakanamo Musa siagang Harun mae ri sikontu tu Israel, “Anne karuenga lanuassengi angkanaya KalenNa Batara angngerangko assulu' battu ri Mesir.

KALAPPASSANG 16:6 ပူးပေါင်းရင်းမြစ်များ

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAMMUJI 81:11

INakkemi Batara Allata'alanu, anrurungangko assulu' battu ri Mesir. Wattunnu cipuru' Kusareko kanre.

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 32:7

Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

PAMMILANGNGANG 16:28

Nampa angkanamo Musa, “Kamma-kamma anne lanuassemmi angkanaya Batara assuroa' anggaukangi anne sikammaya, siagang anjo kammaya teai ero' kalengku.

PAMMILANGNGANG 16:30

Mingka punna nia' apa-apa Nagaukang Batara, ia tenayapa nale'ba' nulangngere' kajarianna lalang siapaya anne sallona, siagang punna tassungke buttaya untu' angnga'luki ke'nanga siagang sikontu barang-baranna ke'nanga, sa'genna antama' attallasa' ke'nanga antama' ri linona tau matea, nuassemmi angkanaya anjo taua angngewai mae ri Batara.”