KALAPPASSANG 16:3 - KITTA' MATANGKASA'

³ Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

KALAPPASSANG 16:3 ပူးပေါင်းရင်းမြစ်များ

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

AYUB 3:1

Appakaramulami Ayub a'bicara siagang nasassala' allo kalassukanna, nakana,

AYUB 3:10

Nitunraimi bangngi cilakaya ri wattungku nilassukang ri ammakku, siagang nibalang parekang antanggongi pa'risika.

AYUB 3:20

Angngapa natulusu' nibalang parekang pa'risi' tallasa'na rupataua? Angngapa nanipassareang singaraka mae ri susaya?

PAMMUJI 107:5

Naallei cipuru' siagang turere ke'nanga na tappela' ngaseng sikontu pa'minasana.

PAMMUJI 78:19

Naewami ke'nanga Allata'ala nakana, “Maka akkullei Allata'ala assareki' kanre ri parang lompoa?

PAMMUJI 78:25

Nasarei ke'nanga alla'bi-la'bi kanre; angnganrei ke'nanga roti malaeka'.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”

LAMPA-LAMPANA 26:29

Appialimi Paulus nakana, “Ri wattu silalonna yareka lalang wattu salloa, appala' doanga' mae ri Allata'ala sollanna ikatte siagang sikamma tau hadereka appilangngeri anne alloa, akkulle ngasengki' ajari sangkamma inakke – pantaranganna anne rante assikkoka'!”

1 KORINTUS 4:8

Memang tenamo apa-apa nuparalluang pole! Nasaba' akkalumanynyang mako! A'jari karaeng mako! Na ikambe tena. Teai sipato' baji'na ka'de' a'jari karaeng tojeng-tojeng mako, sollanta akkullemo siagang ammarenta.

2 KORINTUS 11:1

Boli'mi kamma kupa'jari dongo' rolong kalengku sike'de'. Sai akkulleji?

PAOLE 28:67

Manna poro apa-apa mamo nucini' a'dumba'-dumba'ji barambannu napakamma malla'. Punna bari'basaki nukellai sollanna linta' bangngi, nampa punna bangngi nukellai sollanna linta' bari'basa'.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.

YOSUA 7:7

Nakanamo Yosua ri Batara, “O, Allata'ala Bataraku! Untu' apa naKierang ikambe anta'leang mae ri ba'leanna anne Yordan? Apaka lanri erotTa ampassareangi anne ikambe mae ri tu Amori? Sollanna namate ikambe? Bajikangngangi ka'de' ammantang mami ikambe, ri ba'leanna Yordan!