KALAPPASSANG 16:25 - KITTA' MATANGKASA'

²⁵ Nakanamo Musa, “Iaminne kanrenu untu' anne alloa, saba' anne alloa iamintu Allo Pammari-mariang, allo pammari-mariang untu' ampakalompoi Batara; siagang tena nukkulle anggappa kanre kammaya anjo pantaranganna kemanu, manna sike'de'.

KALAPPASSANG 16:25 ပူးပေါင်းရင်းမြစ်များ

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

KALAPPASSANG 16:23

Nakanamo Musa mae ri ke'nanga, “Iaminne parentaNa Batara: Ammuko iamintu allo le'ba' nisa'la' untu' ammari-mari, allo Pammari-mariang, allo nisa'laka nanipassareang mae ri Batara. Apa eroka nulangga anne alloa, langga memammi, siagang apa eroka nupallu, pallu memammi. Apa la'bia untu' kaparalluang anne alloa, sa'laki siagang boliki untu' ammuko.”

KALAPPASSANG 16:24

Jari naboli'mi ke'nanga anjo kanre alla'bia untu' ammuko situru' Naparentakanga Musa; anjo kanrea tena na'jari bari siagang tena naolokang.

KALAPPASSANG 16:26

Annang allo sallona nupasse're untu' kanrenu, mingka allo makatujua iamintu allo pammari-mariang, siagang tena kanre lanaung ri anjo alloa.”

KALAPPASSANG 16:29

U'rangi angkanaya Kusareko wattu siallo untu' ammari-mari. Iaminjo saba'na naKusareko kanre anggannaka untu' ruangallo ri makaannanna alloa. Ri makatujuna alloa yangasenna taua musti ammantangi ri balla', takkulleai assulu'.”