KALAPPASSANG 16:22 - KITTA' MATANGKASA'

²² Ri makaannanna alloa napasse'remi ke'nanga anjo kanrea a'lappi rua jaina, iamintu patang litere' untu' sitau. Sikontu pamimpinna ke'nanga battumi ampaui anjo passalaka mae ri Musa.

KALAPPASSANG 16:22 ပူးပေါင်းရင်းမြစ်များ

KALAPPASSANG 16:16

Naparentakangi Batara sollanna massing angngalle taua situru' massing naparalluanga, iamintu ruang litere' untu' tasse're anggota kaluarga.”

KALAPPASSANG 16:21

Tunggala' bari'basa' napasse'remi ke'nanga anjo kanrea naparallukanga ke'nanga; napunna appakkaramulamo bambang alloa, anjo kanre tassesaya ri anjo buttaya assolommi.

KALAPPASSANG 16:5

Ri maka annanna alloa musti appasse'rei ke'nanga kanre a'lappi rua jaina.”

KALAPPASSANG 34:31

Mingka nakio'mi Musa ke'nanga. Jari battumi Harun siagang sikamma pamimpinna ke'nanga anreppesi, nampa a'bicaramo Musa mae ri ke'nanga.

KAIMANGNGANG 25:12

Anjo taunga iamintu taung matangkasa' mae ri kau. Iaji bawang akkulle nukanre apa-apa attimbo kale-kalea ri kokonnu.

KAIMANGNGANG 25:22

Siagang ri wattunna nulamungi kokonnu ri taung makasagantujua, nia' ija anjo wassele' taung makaannanga untu' lanukanre. Ba'lalo kanre-kanreang nupasadiaya lagannaki sa'genna narapi' wattunna nupasse're wassele' lamung-lamunnu anjo taunga.