KALAPPASSANG 16:21 - KITTA' MATANGKASA'

²¹ Tunggala' bari'basa' napasse'remi ke'nanga anjo kanrea naparallukanga ke'nanga; napunna appakkaramulamo bambang alloa, anjo kanre tassesaya ri anjo buttaya assolommi.

KALAPPASSANG 16:21 ပူးပေါင်းရင်းမြစ်များ

KALAPPASSANG 16:20

Mingka nia' siapa are tau ri ke'nanga tanajampangiai kananna Musa. Kamma tonji naboli'na sipa'gang anjo kanrea. Ammukona, olokammi siagang botto'mi anjo kanrea; jari larromi Musa mae ri ke'nanga.

KALAPPASSANG 16:22

Ri makaannanna alloa napasse'remi ke'nanga anjo kanrea a'lappi rua jaina, iamintu patang litere' untu' sitau. Sikontu pamimpinna ke'nanga battumi ampaui anjo passalaka mae ri Musa.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.