KALAPPASSANG 16:15 - KITTA' MATANGKASA'

¹⁵ Wattunna nacini' tu Israel anjo kammaya, tanaassengai ke'nanga angkana apa anjo. Jari massing sikuta'nammi ke'nanga angkana, “Apa anjo?” Nakanamo Musa ri ke'nanga, “Iaminjo kanre Napassareanga Batara mae ri kau ngaseng.

KALAPPASSANG 16:15 ပူးပေါင်းရင်းမြစ်များ

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

PAMMUJI 105:40

Appalaki ke'nanga, nampa nipabattu jangang-jangang kurammua, Nasarei ke'nanga roti battu ri suruga sa'genna bassoro'.

PAMMUJI 78:24

Appatarungi gandung battu ri suruga, kanre untu' lanakanrea ke'nanga.

KALAPPASSANG 16:31

Anjo kanrea naarengi tu Israel manna. Tanja'na kammai lisere'-lisere' ca'di, keboki, nakasia'na kammai kanrejawa ammakea je'ne' bani.

KALAPPASSANG 16:33

Nakana Musa ri Harun, “Angngalleko se're uring, appantamakko kira-kira rua litere' manna nampa nupadongko' ri dallekanNa Batara untu' nibolikang jari-jarita.”

KALAPPASSANG 16:4

Nakanamo Batara ri Musa, “Kamma-kamma anne lappaturungA' kanre alla'bi-la'bi rapang bosi untu' ikau ngaseng. Tunggala' allo musti appasse'reko kanre untu' siganna'na nukanre siallo. Kammaminjo bateKu ero' anso'ri ummakKu, sollanna akkulle Kuasseng angkana apaka ma'nassa mannuruki tojenji ke'nanga ri sikamma parentaKu yareka tena.

PANGNGEBARANG 9:5

“Umba nanipinyamangngi kanreku siagang nukasia' anggoro' kupareka.

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”

LUKAS 12:30

Tau tenayaji natappa' ri Allata'ala angngondang ngasengi sikammaya anjo. Na sikontutojenna, Naassemmi Allata'ala la'bi riolo angkanaya parallu ngasengi anjo mae ri kau.

YOHANES 6:49

Angnganrei boe-boenu kanre Napaturunga Allata'ala ri parang lompoa, namate tonja ke'nanga.

YOHANES 6:58

Iaminne roti manurunga battu ri suruga: tena nasangkamma roti nakanrea boe-boenu. Nasaba' ri le'ba'na nakanre anjo rotia, mate tonji ke'nanga. Mingka inai-nai angkanrei anne rotia iami lattallasa' sa'genna satunggu-tungguna.”

1 KORINTUS 10:3

Para angnganremi ke'nanga kanre rohani sangkammaya,

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

YOSUA 5:12

Anjo alloa tena memammo natu'guru' pole mannaya battu rate ri langika, siagang ammarimi tu Israel angnganre manna. Appakkaramula anjo wattua nakanremi ke'nanga wassele' buttana Kanaan.

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”