KALAPPASSANG 15:7 - KITTA' MATANGKASA'

⁷ Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

KALAPPASSANG 15:7 ပူးပေါင်းရင်းမြစ်များ

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

PAMMUJI 148:13

Bajiki mammuji ngaseng ke'nanga ri arenNa Batara, saba' arenNa la'bi lompoangngangi na sikontu arenga; kalompoanNa la'biangngangi na langika siagang linoa.

PAMMUJI 59:13

Saba' dorakai ke'nanga lanri kana-kananna; boli'mi kamma nialle ke'nanga ri sikko' lalang katampoanna, lanri nangaina ke'nanga attunra siagang a'balle-balle.

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

PAMMUJI 83:13

lanri nakanamo ke'nanga, “Umba naniempoi butta pammantanganNa Allata'ala.”

KALAPPASSANG 14:27

Nampa napajonjomo limanna Musa ri tompo'na tamparanga; na ri wattunna ammumbamo alloa, ammotere'mi je'neka sangkamma riolo. Ero'mi tu Mesirka lari ampasalamaki kalenna, mingka nitallangngammi ke'nanga ri Batara antama' ri tamparanga.

KALAPPASSANG 5:12

Jari a'lampami tu Israel anjappai sikontu butta Mesir untu' appasse're rarame.

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

YESAYA 37:17

O, Batara, Kiparhatikang laloi apa kajarianga mae ri kambe kamma-kamma anne. Pilangngerimi sikamma kana-kana mappakatunana Sanherib mae ri Katte, Allata'ala mattallasaka.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YESAYA 47:14

Ciniki, rapangi ke'nanga rarame nakanrea pepe'; takkulleai napasalama' kalenna ke'nanga! Ta'lalo bambanna anjo pepeka mae ri ke'nanga, teai pepe' kammu' untu' a'binrung.

YESAYA 5:16

Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

IBRANI 12:29

Nasaba' anjo Allata'alata sanrapangi pepe' appakamutunga.