KALAPPASSANG 15:25 - KITTA' MATANGKASA'

²⁵ Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.

KALAPPASSANG 15:25 ပူးပေါင်းရင်းမြစ်များ

2 KARAENG-KARAENG 2:21

Nampa a'lampamo Elisa mange ri timbuseng je'neka na napasambila anjo ce'laya antama ri je'neka siagang nakana, “Kammaminne kananNa Batara, ‘Kupa'jari tangkasaki anne je'neka sollanna tenamo napassabakki kamateanga siagang nalari cera' baine tiananga!’ ”

2 KARAENG-KARAENG 4:41

Jari assuro allemi Elisa sike'de' labu', nampa napakioro' antama' ri anjo uringa. Le'baki anjo nakanamo, “Bagemi pole anjo kanrea.” Natenamo bahayana anjo kanrea.

2 KARAENG-KARAENG 6:6

Akkuta'nammi Elisa angkana, “Kemaei tu'guru'?” Nipicinikiammi ri anjo taua tampa' katu'guranna anjo pangkuluka. Nampa annatta' Elisa sipolong kayu siagang napasambila antama' ri anjo tampaka. Nammumbamo nai' ri tompo'na je'neka anjo pangkuluka.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 66:10

O, Allata'ala, le'ba'mi Kiso'ri ikambe sanrapang tau eroka ampakati'noki peraka lalang ri pepeka.

PAMMUJI 81:7

“Le'ba'mi Kualle erangnganga ri salanggannu, naKulappassang karanjeng pisangngang niaka ri limannu.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 14:10

Nacini'na tu Israel anjo Karaeng Mesir siagang tantarana battu, teaimi sipato' malla'na ke'nanga. Nammarrammo ke'nanga appala' tulung ri Batara.

KALAPPASSANG 16:4

Nakanamo Batara ri Musa, “Kamma-kamma anne lappaturungA' kanre alla'bi-la'bi rapang bosi untu' ikau ngaseng. Tunggala' allo musti appasse'reko kanre untu' siganna'na nukanre siallo. Kammaminjo bateKu ero' anso'ri ummakKu, sollanna akkulle Kuasseng angkana apaka ma'nassa mannuruki tojenji ke'nanga ri sikamma parentaKu yareka tena.

KALAPPASSANG 17:4

Jari akkio'mi Musa mae ri Batara, angkana, “Apa musti kugaukang mae ri anne taua? Ciniki, eroki ke'nanga ansambila' batu.”

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

YEHEZKIEL 47:7

siagang kucini'mi angkanaya rua-rua birinna anjo binangaya jai sikali poko'-poko' kayu.

YEHEZKIEL 47:8

Nakana ri Nakke, “Anne binangaya a'lo'loro' anraiki ammalo anrinni ri pa'rasanganga siagang ammalo ka'bunna ri Binanga Yordan a'lampa mange ri Tamparang Matea. Punna battu je'ne'na antama ri Tamparang Matea, nasambeimi je'ne' tamparang ce'laya siagang je'ne' la'ba.

1 KORINTUS 1:18

Nasaba' anjo kabara' kamateanNa Isa Almasi a'jari kabara' balle-ballei mae ri tau lamangea ri kapanrakanga. Mingka untu' ikatte tu nipasalamaka ri Allata'ala, anjo kabaraka iami a'jari pammatei ri Napa'nyatana kakoasanNa Allata'ala.

PAOLE 13:3

tea' laloko erokki amparhatikangi. Napakei Karaeng Allata'alanu anjo taua untu' anso'riko, lanri ero'Na Nacini' angkanaya apaka ma'nassa mangngamaseang tojengko mae ri Batara yareka tena.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

HAKING-HAKING 2:22

LaKupakei anjo bansa-bansaya untu' ancobai bansa Israel, sollanna akkullei Kuasseng angkanaya maka ero'ji yareka tenamo naero' ke'nanga anturuki sikamma parentaKu.”

HAKING-HAKING 3:1

Eroki Nacoba Batara bansa Israel tenaya nale'ba' nakasia' pa'bundukanga ri Kanaan. Jari Nalappassammi ammantang siapa are bansa ri anjo pa'rasanganga.

HAKING-HAKING 3:4

Nia'mi ke'nanga anjoreng untu' a'jari paccoba mae ri bansa Israel. Lanri kammana akkullemi niasseng angkanaya maka naturukiji tu Israel parenta-parenta le'baka Napassareang Batara mae ri boe-boena ke'nanga tete ri Musa.