KALAPPASSANG 15:16 - KITTA' MATANGKASA'

¹⁶ Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

KALAPPASSANG 15:16 ပူးပေါင်းရင်းမြစ်များ

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

PAMMUJI 105:38

Tu Mesir nitujui ri malla' siagang malla' lompo, jari sannammi ke'nanga a'lampana tu Israel.

PAMMUJI 74:2

Kiu'rangi ummatTa le'baka Kipile battu riolo, bansa Kipakabebasaka sollanna a'jari Kipatang. Kiu'rangi Bulu' Sion, Kipareka a'jari pammantangnganTa.

PAMMUJI 89:14

Tamaka lompona koasaTa, tamaka heba'na kagassinganTa!

KALAPPASSANG 11:7

Mingka ri bansa Israel tena nalaniganggu, baji' rupataua kammayatompa olo'-olo' piaraya. Jari lanuassemmi angkanaya iNakkemi Batara, ampasisalai tu Mesir siagang tu Israel.’ ”

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

KALAPPASSANG 15:5

Nia'luki ke'nanga ri tamparang lantang, rapangi batu naunga ri dapara'na.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 23:20

“LaKusuroi malaekakKu a'jappa riolo ri dallekannu untu' anjagaiko lalang pa'jappannu siagang angngerangko mange ri tampa' le'baka Kupasadia.

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

KALAPPASSANG 23:27

Sikamma bansa nubattuia laKupa'jari malla' ngasengi mae ri Nakke; laKukacoi ke'nanga; sikontu musunnu la'giling ngasengi nampa lari.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?

YEREMIA 31:11

Le'ba'mi Kupasalama' umma' Israel, siagang Kulappassang battu ri bansa kassaka.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

PAOLE 11:25

Ri sikontu anjo pa'rasanganga laNapa'jari malla' ngasengi Karaeng Allata'alanu sikontu taua mae ri kau sangkamma le'baka Napa'janjiang, sa'genna manna sitau tania' akkulle anrompaiko.

PAOLE 2:25

Appakkaramula anne alloa laKupa'jariko tunikamallakkang ri bansa-bansaya ri kere-keremae. Sikamma taua lannekkereki napakamma malla' punna nalangngereki kabara'nu.’ ”

PAOLE 2:4

Nampa Nasuroa' Batara ampauangko anne pangngunju' kammaya, ‘Tenamo nanusallo na nupantamakkimo pa'rasangang Edom, daerana sikamma sari'battannu, jari-jarina Esau. Lamallaki ke'nanga mae ri kau,

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

PAOLE 32:9

Mingka anne jari-jarina Yakub Napilei Batara untu' KalenNa.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

YOSUA 4:24

sollanna naasseng ngaseng sikontu taua ri lino antekamma lompona kakoasanNa Batara. Siagang lanri kammana minjo nalanupakala'biri' Karaeng Allata'alanu sa'genna satunggu-tungguna.”

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

1 SAMUEL 25:37

Ammukona bari'basa', ri tenanamo nasa'ringi Nabal, nipauammi ri bainenna sikamma anjo kaja'dallanga. Nampa anggappamo garring silalonna Nabal nampa a'jari lamma ngasemmo sikontu batangkalenna.