KALAPPASSANG 14:4 - KITTA' MATANGKASA'

⁴ LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 14:4 ပူးပေါင်းရင်းမြစ်များ

NEHEMIA 9:10

Kigaukangi gau' mahebaka ri karaeng Mesir kamma todong ri pagawena siagang ri ra'ya'na pa'rasanganna, nasaba' Kiassengi antekamma batena ampa'risi ummatTa. Nampa masahoro'mo arenTa sa'genna anne alloa.

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 10:27

Nipa'jari kapala batui anjo karaenga ri Batara, sa'genna taerokai ampassareangi bansa Israel a'lampa.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 14:23

Tu Mesirka siagang sikontu jaranna, karetana siagang tau niaka irate, angngondang tulusu'mi ampinawangi tu Israel antama' ri tangngana tamparanga.

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

KALAPPASSANG 14:3

Lanakapangi Karaeng Mesir angkanaya a'deteki tu Israel ri anne pa'rasanganga nampa lingu ri parang lompoa.

KALAPPASSANG 14:5

Nalangngere'na Karaeng Mesir angkana larimi bansa Israel, assesse'lalammi siagang sikamma pagawena. Nakanamo, “Apa musti nigaukang? Angngapa nanilappassang anjo tu Israelka a'lampa sa'genna tenamo atanta?”

KALAPPASSANG 14:8

Memang Batara ampa'jari kapala batui anjo karaenga, sa'genna naondang tu Israel niaka sitabang a'jappa ambokoi anjo pa'rasanganga nipimpinga ri Batara.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

YEHEZKIEL 20:9

Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.

YEHEZKIEL 28:22

Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 39:13

Sikontu pandudu'na pa'rasanganga lamminawang turu' ngasengi ambantu untu' antarawangi anjo tau matea; siagang untu' yangasenna anjo sikammaya, lannarimai ke'nanga pahala ri allo pammetangKu. INakke, Batara Kaminang Tinggia, anne akkana.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

ROMA 11:8

Nasaba' nia' tattulisi' lalang ri Kittaka angkanaya, “Napa'jari tattongko'mi Allata'ala atinna siagang pikkiranna ke'nanga; siagang sa'genna kamma-kamma anne takkulleai accini' matanna ke'nanga, siagang takkulleai allangngere' tolinna ke'nanga.”

ROMA 9:17

Nasaba' nia' tattulisi' lalang ri Kittaka angkanaya, “Nakana Allata'ala mae ri karaeng Mesir, ‘Se'reji bawang erokKu naKupa'jariko karaeng, iamintu eroki Kupappicinikang kakoasangKu battu ri kau, siagang na'jari masahoro' arengKu ri sikontu linoa.’ ”

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

HAKING-HAKING 4:7

LaKupabattui sallang Sisera mae ri kau ri Binangana Kison, siagang tantarana, kammayatompa kareta-kareta bundu'na untu' ambundukiko. Mingka laKusareko pammetang lalang ri anjo pa'bundukanga.’ ”