KALAPPASSANG 14:28 - KITTA' MATANGKASA'

²⁸ Ammotereki je'ne' tamparanga siagang natongko'mi naung sikamma karetaya, sikamma tau niaka andongkoki, kammayatompa sikontu tantara Mesir niaka angngondangi tu Israel antama' ri tangngana tamparanga, sa'genna mate kabusu'mo ke'nanga.

KALAPPASSANG 14:28 ပူးပေါင်းရင်းမြစ်များ

PA'JARIANG 50:9

Pasukang akkaretaya siagang a'jaranga amminawang tommi, sa'genna sanna'mo la'buna anjo barisanga.

PA'JARIANG 7:18

Pila' tinggimi je'neka, nammawang-mawammo anjo kappalaka ri tompo'na je'neka.

2 PATTOTTORANG 20:24

Ri wattunna battu mange anjoreng tantara Yehuda ri menara pa'jaganga ri parang lompoa siagang naparhatikang tampa'na musua, nacini'mi ke'nanga maya'-maya'na musua tassiara' mange-mange ri buttaya. Tenamo manna sitau anjo tantara musua attallasa'.

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

PAMMUJI 106:22

Tamaka lompona apa-apa le'baka Nagaukang ri anjo pa'rasanganga, appakalannasaki tindakanna ri Tamparang Alara'.

PAMMUJI 136:15

Mingka karaeng Mesir siagang tantarana natallangngangi; pangngamaseanNa sa'genna satunggu-tungguna.

PAMMUJI 78:53

Amangi siagang tenamo namalla' ke'nanga nipimping ri Ia, nampa musunna ke'nanga tallangi lalang ri tamparang.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

KALAPPASSANG 15:10

Mingka sikaliji a'mai' Batara na Napabattu balaya mae ri tu Mesir. Tallangi ke'nanga rapang tima battala' lalang ri gamarrunna je'ne' lompoa.

KALAPPASSANG 15:19

Ri wattunna a'limbang ri tamparanga tu Israel, a'jappai ke'nanga ri dapara' kalotoro'na tamparanga. Mingka sikamma karetana tu Mesir siagang jaranna kammayatompa tuma'baena, ri wattunna antama' ngaseng ke'nanga ri je'neka, Napa'lo'loro'mi Batara ammotere' anjo je'neka assialle ammotere' sa'genna tallang ngaseng ke'nanga.

HABAKUK 3:13

A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

PAOLE 11:4

Nuciniki antekamma bateNa Batara angngancuruki tantarana tu Mesir siagang sikontu jaranna siagang kareta bundu'na ke'nanga. Nitallangngang ngasengi ke'nanga ri Tamparang Alara' ri wattunna naondangko ke'nanga.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.

HAKING-HAKING 4:16

Naondammi Barak anjo kareta-kareta bunduka siagang tantara musua sa'genna mange ri Haroset-Hagoyim. Nampa nabuno ngaseng sikontu tantarana Sisera. Tena manna sitau nalappasang attallasa'.