KALAPPASSANG 14:27 - KITTA' MATANGKASA'

²⁷ Nampa napajonjomo limanna Musa ri tompo'na tamparanga; na ri wattunna ammumbamo alloa, ammotere'mi je'neka sangkamma riolo. Ero'mi tu Mesirka lari ampasalamaki kalenna, mingka nitallangngammi ke'nanga ri Batara antama' ri tamparanga.

KALAPPASSANG 14:27 ပူးပေါင်းရင်းမြစ်များ

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

PAMMUJI 106:11

Mingka je'neka natallangngangi balinna ke'nanga; manna sitau tania' ammantang.

PAMMUJI 136:15

Mingka karaeng Mesir siagang tantarana natallangngangi; pangngamaseanNa sa'genna satunggu-tungguna.

PAMMUJI 78:53

Amangi siagang tenamo namalla' ke'nanga nipimping ri Ia, nampa musunna ke'nanga tallangi lalang ri tamparang.

YESAYA 10:26

INakke, Batara Kaminang Makoasaya, lancamboki ke'nanga siagang cambo', kamma le'ba'na Kupangngajari tu Midian ri bulu' batu Oreb. LaKuhukkungi Asyur, sangkamma le'ba'na Kuhukkung Mesir.

PAOLE 11:4

Nuciniki antekamma bateNa Batara angngancuruki tantarana tu Mesir siagang sikontu jaranna siagang kareta bundu'na ke'nanga. Nitallangngang ngasengi ke'nanga ri Tamparang Alara' ri wattunna naondangko ke'nanga.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.

YOSUA 24:7

akkio'mi ke'nanga appala' tulung mae ri Nakke. Jari Kupa'jari sassammi tampa' ansimbangai ke'nanga siagang tu Mesir, siagang Kutambungi je'ne' tamparang anjo tu Mesirka sa'genna mate tallang ngaseng. Nuasseng ngasemmi sikontu apa Kugaukanga mae ri Mesir. Sallo sikaliko ammantang ri parang kassika.

YOSUA 4:18

Ia battuna ngaseng anjo sikamma imanga ri birinna binangaya, appakkaramulami a'lo'loro' ammotere' siagang allumpa kamma riolo je'ne'na anjo binangaya.