KALAPPASSANG 14:25 - KITTA' MATANGKASA'

²⁵ Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

KALAPPASSANG 14:25 ပူးပေါင်းရင်းမြစ်များ

2 PATTOTTORANG 20:29

Sikontu bansa maraenga malla' kabusu'mi ri wattunna nalangngere' kabara'na antekamma bateNa Batara ambetai musu-musunna tu Israel.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”

NEHEMIA 6:16

Nalangngere'na musu-musunna ikambe, ia niaka ri alla'na bansa-bansa attammulilia anjoreng, kabara'na anjo passalaka, malla'mi latu'guru' siri' ke'nanga. Nasaba' sikontu taua naassengi angkanaya anjo jamanga nigaukangi lalang pannulunNa Allata'ala.

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 20:24

Punna lari alliliangi pa'dang bajaya, lanibokkaki ri pana tambaga.

AYUB 27:22

Nilissara'mi tanikamaseangnga, na tarpassa lari a'boya pa'la'langngang.

PAMMUJI 35:1

Pammujina Daud. O, Batara, Kiewai tau angngewaya', Kibunduki tau ambundukia'.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

PAMMUJI 68:12

Assarei kaputusang Batara, nampa sikamma bainea angngerang kabara':

PAMMUJI 76:6

Sikamma tubarania nialleammi apa-apanna; tattappasa'mi naung talambangunga pole. Sikamma surudadu porena tappela' ngasemmi kagassinganna.

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:18

Lanaassengi tu Mesir angkanaya iNakke Batara.”

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 15:3

Batara tubarani makassaka, Batara, iaminjo arenNa.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YEREMIA 51:21

Kupakeko untu' angngancuruki jaranga siagang pabaena, kammayatompa karetana siagang tau a'dongko'na.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

AMOS 9:1

Kuciniki Batara ammenteng ri ampi'na tampa' pakkoro'bangnganga. Napassareangi anne parenta kammaya, “Tunrung sarringi sikamma ulu bentenga ri BallakKu sollanna ta'goccang kabusu' pattiro-tiroanga. Rumbang kabusuki anjo sikamma benteng mae ri tuju ulunna taua. Tenaya namate laKubunoi lalang ri pa'bundukanga. Tena manna sitau lakkulle lari yareka ta'lappasa'.

PAOLE 1:30

Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

PAOLE 3:22

Teako mallakki mae ri ke'nanga, lanri Karaeng Allata'alanu labarjuang untu' ikau.”

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

YOSUA 10:14

Tale'bakai kajariang siagang tena le'bakai lakajariang se'rea allo kamma anjo, angkanaya napinawangi Batara ero'na rupataua. Niaki Batara angngagangi tu Israel a'bundu'!

HAKING-HAKING 4:15

Nampa nabunduki Sisera. Na nipa'jari kacomo ri Batara anjo tantarana Sisera siagang kareta-kareta bundu'na. Sa'genna naummi Sisera battu ri kareta bundu'na, nampa lari a'jappa bangkeng.