KALAPPASSANG 14:24 - KITTA' MATANGKASA'

²⁴ A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 14:24 ပူးပေါင်းရင်းမြစ်များ

AYUB 22:13

Mingka akkuta'nangko angkana, ‘Apa todong Naasseng? Ia niaki irateanna rammanga, takkulleai angngadeliki'.’

AYUB 34:20

Ri tangngana bangngia, ti'ring mate silalonna ke'nanga. Nahukkungi Allata'ala pamarentaya, na ancuru'mo ke'nanga; gampang sikali bateNa ambunoi ke'nanga tu barania.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 40:12

Iyo, ciniki tau borroa, siagang padundui! Licaki tau ja'dalaka ri tampa'na

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.

PAMMUJI 48:5

Ciniki, a'rappungangi karaeng-karaenga; battui ke'nanga ero' ambunduki.

PAMMUJI 78:14

Naului ke'nanga siagang rammang ri wattu allo nampa nasare singara' pepe' sila'busu' bangngi.

PAMMUJI 90:4

Untu' iKatte sisa'bua taung sanrapang sialloji, allalomi allo subangngia; sanrapang passisambeang a'jaga ri wattu bangngi.

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

1 SAMUEL 11:11

Ammukona, ri bari'basa'na, nabagemi Saul anjo taua a'jari tallu pasukang. Na ammumbanamo alloa, majumi ke'nanga ri tangnga-tangnga kemana tu Amon na nabunduki ke'nanga. Ri tenanapa nattangnga alloa nabetami tantarana Saul anjo musua. Sikamma tu Amon akkullea ta'lappasa' tassia'-siara'mi, sa'genna tenanniakka akkulle lari sipa'rua a'rurung.